萬聖節捐血周捐血，會有萬聖節禮物呀!!
一向好準時捐血既我，其實上月廿幾號應該夠期再捐血架啦，但大家都見我又要攪結婚又要攪裝修，真係冇時間去捐血；到前幾日朋友話我知呢個萬聖節捐血事宜，我就即刻諗定呢幾日一定要去捐血！上紅十字會網頁check清楚時，仲比我見到急需A型血，我係A型，更加要快快幫手啦！
除此之外，我仲見到有個"由一開始"既宣傳，鼓勵多ｄ人士踏出第一步！未捐血既朋友，快ｄ加入捐血行列啦！
因為約左victor一家係銅鑼灣食飯，我就去左銅鑼灣捐血站捐血喇！今次仲係自己單拖上去，因為要再夾埋太陽哥哥得閒既時間，我諗等到過埋聖誕先捐到都似！
去到見到好多萬聖節裝飾，好似天花板有隻勁大隻既蜘蛛！
掛衫柱掛左好多南瓜佈置：
檯面用左巫婆兜裝糖：
牆壁又有蜘蛛：
另一條掛衫柱最有萬聖節feel，驚驚地～～
假手下面有包好真既血包：
呢份就係萬聖節禮物，係南瓜仔memo pad：
右邊係今年既定期捐血章，而左邊就係．．．我唔怕面懞咁問姑娘：可唔可以比個"由一開始"既襟章我做紀念呀？
捐完血差唔多到八點，係預計時間內完成，太陽哥哥亦剛黎到捐血站接我，我地就即係去見凱玲BB啦；由於四周都好多人，禮拜五兼萬聖節前夕，我地去左較為少人既Itlaian Tomato食意粉，反正我都鍾意食意粉！凱玲BB好快就黎到啦，一黎到好怕羞，Gigi話要warm up 下先架，睇佢初時只係微微咀笑～～
唔洗五分鐘就warm up完，開始笑到更燦爛，我抱都冇問題呢！
我地隨即都叫野食啦，太陽哥哥的拿破崙腸仔意粉＋咖啡：
我的海鮮蘑菇忌廉意粉：
Gigi的芝士茄汁忌廉意粉：
Victor的特製肉醬意粉＋咖啡：
一pair pair影相先：
因為要避開後面有人，Victor影到我地咁大頭！
男還男、女還女都要影返張先～～
跟住梗係玩不停，凱玲BB仲表演食腳！哈哈～～
仲有一聽音樂就勁fing頭，勁過癮＋勁攪野！
我地後尾已經玩到好熟啦，首歌停左後，佢仲示意我幫佢再"禁"！
飯後，我地見到有交通意外呢！後面巴士己排晒長籠入站，Victor一家都唔敢搭巴士要改搭地鐵回家了！
萬聖節前夕過得好充實呀，同Victor一家分手後，我仲同太陽哥哥行左轉IKEA，好有Happy Friday feel，可惜太陽哥哥明早要楂車，都唔能夠行到咁夜了！
沒有留言:
張貼留言