2010年7月31日 星期六

2010-07-31 (Sat) (下) Artjamming Painting Workshop


今晚特別節目:Artjamming Painting Workshop,係一個月前Tony邀請我既,佢同班朋友仔會黎玩,問下我有冇興趣參加同又搵下自己朋友仔一齊黎玩;其實除左讀書年代上美術堂既artwork外,我咁大個女都未認真接觸過 art,何謂藝術就更加唔洗講!所以Tony一講就好想試下,一來貪新鮮想試下多d野,人生應該要係咁先過癮麻!二來就想培養一下藝術氣息,哈哈!我仲拉埋細妹同太陽哥哥一齊參加,搵細妹係因為佢由細到大畫畫都幾好,只係冇機會栽培;搵太陽哥哥就想佢磅住我,我有咩需要求救時佢都可幫到我麻!朋友方面,呀仔兩公婆都有興趣,最後我呢邊就報左五個名喇!

 


黎到先知個Workshop係係商場內的一個鋪位,人來人往架喎,即刻有d淆底...

 




未入得,係門口影下相先~~

 




入場後第一時間係換上畫畫圍裙,圍裙上好多戰續,著住都已覺得好型好prof!

 




近窗位置有好幾幅作品供人駐足觀賞,我地都唔執輸,觀賞下之餘,順道睇下有咩可參考一下,因為我地完全冇預備過要畫咩,但部份人已帶定晒reference黎!我地仲拎起畫筆用人地既作品當自己咁影相!

 




顏料地區:

 




每次諗到畫畫總令我諗起諾諾,因為試過幾次我畫公仔比佢估係咩黎;一咁諗時,總令我諗起giraffe,我同諾諾都鍾意黃色麻...就係咁,我決定畫長頸鹿!長頸鹿係黃色,所以底色我用覺得幾襯黃色的青綠色,呢隻青綠色係我自己溝架!

 


 

先用海綿掃底色:

 




太陽哥哥畫太陽花:

 




呀仔兩公婆原來好勁架,今日我先知,仲諗住佢地都係貪得意黎玩下,但佢地真係超犀利,原來係畫家黎架!我地個個都怕比途人望,匿晒係入面畫,呀仔兩公婆企窗口位都冇有怕

 



上完底色後,又冇reference係手,究竟長頸鹿係點架...穩陣起見,我叫太陽哥哥起個 layout 比我!

 



 

有左 layout,容易掌握好多!

 


 

好似幼稚園程度既畫呀!

 


 

慢慢成形中~~畫時笑料百出:乜長頸鹿有角既咩?長頸鹿有冇尾架?條尾長定矮架?d斑點係個身度,咁頭同腳有冇架?眼同口點畫架? 最後都係是但啦,佢地話反正都卡通化左,點畫都得喎!又係噃!最抵死係呀仔仲話我隻長頸鹿好似垃圾蟲呀,太陽哥哥聽到後全場笑得最大聲係佢囉

 


 

得隻長頸鹿,幅畫好dry,太陽哥哥教我加d草~~

 


 

加完d草係下面又到上面好dry,加多棵樹先!個個畫畫下,條圍裙都會跣左落黎!攪笑~~

 


 

想多d顏色,加d花係草堆中~~睇下我d手指,污糟晒架,我覺得越污糟越有型!

 


 

最後階段 - 寫名+日期:

 


 

登、登、登、登~~My 1st Art in my life!

 




琪琪的作品:

 


 

原來琪琪隻手係咁靚既~~

 




太陽哥哥的作品:

 




勁揪兩公婆~~唔洗我講點勁法,自己睇啦!

 




影到Tony認真同charm的一面:

 


 


我畫得最慢咁滯,大部分人畫好,我仲努力中~~

 




大家的作品:

 


 

我好鍾意呢張:

 


 

勁揪兩公婆的作品~~呀仔個幅,d人一見到都嘩嘩聲!

 





跟作品合照:

 


 

雖然我唔係專業,但都好多人埋黎睇我幅畫架,只係...佢地唔係好愕然的嘩嘩聲,而係一路睇一路奄住咀笑咋麻,哈哈!我明既,我認係似幼稚園的BB畫既...不過都幾可愛丫!

 


 

Hazel帶了即影即有幫我地影相,so great!

 




大伙兒一齊出門口影相,先幫Tony班朋友仔影!

 


 

我同Tony:

 


 

佢話要楂住我個幅影喎...夠喇,想點呀~~

 




跟住我地五個互影:

 




每幅作品會有硬盒供應兼釘好,pack得好靚之餘,又唔怕會揩到未乾既顏料!

 


 

真係好細心呀~~

 


 

好多謝Tony邀請我參加呢個painting workshop,真係好好玩,亦係我人生第一次認真咁接觸藝術(雖然畫既野好低能),我今晚真係好enjoy!