2010年7月16日 星期五

2010-07-16 (Fri) 原切板端燒@大家樂.Toy Stories 重溫

 


放工去了尖沙咀,因為想睇下部相機電係咪有咩問題;攪掂完都成八點,一心諗住去 iSquare 買 Toy Story 3 戲飛,再去 Panash Cafe 晚飯,點知...Toy Story 3 賣到七月尾都好full,其實網上面都見到,只係我地唔急睇,諗住買遲d既日期都唔緊要,點知 iMax做到七月尾會上第二套戲,估唔到...去 Panash Cafe, 勁多人,間間食店都勁多人,間間都要排隊,癲架!好肚餓,頂唔住,離開 iSquare ,對面有大戶屋,衝去睇,其實都預左要等,銅鑼灣店一向都要訂檯,只係要去到親眼見到先心息...


最後去了隔離唔洗等既大家樂,咁岩前幾日睇雜誌見到有新野食 - 原切板端燒系列,其實我都想試下,就係度食啦!



原切板端燒有四款,我地揀了 A & C:



 


紐西蘭爵士牛扒(配薯蓉):



 


紐西蘭西冷條雞柳條(配薄餅+粟米):



爵士牛扒好味d,因雞柳條有點"鞋";以咁既價錢食到既牛扒質素,真係算唔錯!


 


飯後經過 Pacific Coffee,走入去上網買 Toy Story 3戲飛,等唔切返屋企買啦,去唔到 iMax 睇,唯有轉去普通戲院啦,買左聽晚青衣城,買完就安心行下美麗華先返屋企!


好鍾意 Toy Story 既關係,之前已買定 Toy Story 1 & 2,成十幾年前喎,諗住重溫左先睇第三集;聽晚突然咁快就有得睇,此料不及,返去即刻用左三個鐘重溫;太陽哥哥話第一集係1995,第二集係1999,雖然係舊片,但一樣咁好睇,睇到我會笑,睇到我會緊張,勁!



 


沒有留言:

張貼留言