雖然次序有點不同，但太陽哥哥講過話要ｄ時間努力，想盡力買好些給我．．．
一向不喜歡四爪／六爪的鑽戒款式，雖然市面總是雙數的爪款比較多，但自己比較喜歡單數的爪款，總覺得款式較為獨特，少見ｄ麻，就會覺得uniqueｄ，所以本身擁有的也是三爪；誰知從沒跟太陽哥哥提及過，他也能送上我很喜愛的款式 - 五爪！
我未見過五爪架，所以覺得好特別，好鍾意呢！除左爪數，上下脾的設計也比平圈款式更令我喜歡呢！
對鑽石的認識，只知要看份數＋色澤＋淨度，因為其實好少接觸鑽石，平時都唔會無拿拿去逛鑽石，除非係陪朋友去買或者幫下眼啦，反正鑽石，女仔去看也沒意思吧，這應該是男生的責任吧！哈哈～～ 對於太陽哥哥的努力，我很滿意呀！
今晚放工後，我地又去睇結婚戒指，仲扑到鎚啦，Yeah！睇左三次終於睇岩，又攪掂一個task，之前一路都揀唔岩，好難揀到我同太陽哥哥都岩同鍾意的款，嚇到我丫．．．咁岩今日去睇，返左成十幾個款，全部都係全新既，仲要係八心八箭，不過結婚戒指都係ｄ平實款岩ｄ，咁細粒洗唔洗八心八箭呀？呢個系列貴ｄ喎．．．不過既然睇岩個款，就gogogo唔諗了，時間無多，難得兩個都岩，反正雄哥話抵買就信佢啦！宜家改緊size同刻字中，下星期有得拎，拎到後再同大家share啦！
之後我地去左味千拉麵，我要左個麻辣牛肉：
太陽哥哥要左新出既山形大粟拉麵：
太陽哥哥既comment係：勁好味！個湯底好正！
另外要左客炸軟殼蟹，但超唔抵囉，得個三小舊，都唔知係咪唔小心，跌左係隔離個碟度囉，我未試過食咁細碟架！
之後去broadway買聽日既竊聽風雲戲飛，買完就返屋企啦！
