2009年7月24日 星期五

2009-07-20 (Mon) 諾諾探恩恩 <----後補兩個攪笑短片


後記:原來有兩個短片係關於今日,之前唔記得左post,後補返先~~


一個係諾諾表達咩叫"好食",佢d手指仔真係好得意,未係好純粹要諗一諗,但又好快做到,好攪笑!



另一個係舅婆教諾諾咩叫"嘆氣"同"愕然",諾諾真係即學即做到,學到一模一樣,搖晒頭托晒腮,勁好笑!諾諾做完,亦會要求我地又一齊做架~~




今日冇返工,醫生都有比假紙我,咁就繼續休息多一日啦!諾諾知道恩恩唔舒服,話黎探恩恩呀!由於我都想休息下,表姐亦忙於執行李,因為佢地過兩日就去東京迪迪尼搵米奇呀,真係羨慕屎人~~咁我就叫表姐攪掂晒先黎搵我啦!


到表姐攪掂時都差唔多五點啦,因為UCC個下午茶去到六點,我地就約左係UCC等!



我地個位自成一角~~



呢個corner都唔錯喎~~




等緊諾諾時,我同媽咪玩影沙龍~~



呢張其實我係拎住支叉,放係相機左邊,然後叫媽咪望叉唔好望鏡頭!哈哈~~




今日我又叫諾諾楂住碟食物影相,睇佢眼仔碌碌幾得意!




諾諾係度整緊"好味"手勢呀!哈哈~~




諾諾指住牆幅畫,然後話:mi mouse,入面!(諾諾話的mi mouse 即係 micky mouse)



我地好奇怪,點解諾諾係咁講mi mouse,我地再望真d幅畫,哦...原來諾諾覺得呢個係castle,即係睡公主座城堡呀!嘩,咁都諗到,好勁呀!




睇諾諾又笑又叫!之唔係因為舅婆囉,係檯底爬過去攪諾諾呀,呢個舅婆真係naughty喇!




諾諾人生影既頭三張相,我地教佢:望唔望到舅婆呀?高d,望到就禁制啦!就係咁,諾諾影左舅婆媽媽橙汁!呢三張相全部係諾諾自己楂機,冇人幫架,值得留念!




食完野就諗住去海旁行下,經過火車仔,影返張先!



我問:諾諾係邊呀?佢就伸個頭出黎比我影!攪笑~~




諾諾都揀衫試,睇佢個樣好認真咁,大個應該會好貪靚呢!




諾諾應該唔識 IQ博士,不過佢都一樣笑得好開心!




一見到M就衝埋去,跟住扶住牆,擰過黎望住...呢一串動作,意思係幫佢影相咁解,全個過程都好自然好自動咁發生,勁攪野!



蛋糕又話要影喎~~




跟住我地就出左海旁,七點啦,太陽剛落山,又有陣陣海風吹埋黎,好舒服呀!




呢度好多人跑步呀,諾諾係咁指住d人話running!呢度環境真係幾好,沿住海邊散步,又浪漫又寫意!




一路沿住海旁行,就會行到近青衣碼頭附近,本身呀欣話今晚拎個班蘭蛋糕比我食,係新加坡手信黎架;佢屋企又係呢頭,我就即刻call佢,諗住佢宜家比到我,就唔洗夜d特登拎上我屋企啦!點知佢剛返到屋企,時間fit到暈!佢就拎埋黎比我啦,亦同諾諾玩左陣,因為呀欣都係叫欣欣麻!嘻嘻~~



 


沒有留言:

張貼留言