2007年1月31日 星期三

2007-01-29 媽咪生日請食LUNCH

媽咪今日生日,我請左假陪佢,誰知佢尋晚興奮高漲既心情持續到今早,仲提議到APM搵琪琪同太陽哥哥食飯,仲要係佢請客!我地去左食泰國野,我覺得幾抵食同好味,只係$380埋單,抵食過尋晚個餐呢!

係度,要同媽咪講句生日快樂,無您,就生唔到今日的我!

媽媽,I LOVE YOU!


2007-01-28 媽咪生日晚飯

聽日先係媽咪正日生日,但閒日放工難夾時間,所以我地今日提早慶祝,帶左佢地去上次間私房菜,由我同太陽哥哥請客,今次有十六碟餸呀!對我,感覺麻麻,因為有一半跟上次一樣,都唔係次次唔同既!琪琪好乖,去學整左個拿破崙蛋糕比媽咪,好扺錫!一餐飯,好似過得好平淡咁,希望媽咪唔會介意啦,不過睇佢笑容,都知佢應該好開心既!


好耐都未影過一張四個都滿意既全家福啦!

又玩八格圖,好嘈呀您地,係咪傻架!哈哈~~

 


2007-01-27 樟木頭

真攪笑,諗住返大陸玩返日開心吓,誰知...海猿都未做完已經訓著左,電視還通宵咁著住,第二朝成十一點先識醒,整整十二粒鐘,訓醒後覺得,下,咁就天光,我地黎訓覺?哈哈!呢個假期,好晒咁呀...

唯一想記低係太陽哥哥遲大到,我委屈到眼淚差d跌出黎,點解?去到見排長龍諗住排隊買火車飛先,排左三個字,到我時話唔收港幣!呆左...打比太陽哥哥,諗住佢跑緊過黎,點知佢話係上水站,就到,點就到?好灰呀!原來佢的"巴士就到沙田"意思係,剛出獅子山隧道,嘩...差咁遠...等我計算失誤,真係比佢吹到"啤"一聲!仲話二十分係售票處等,成四十分先到呀!

 

 


 

 

2007年1月26日 星期五

2007-01-24 Dinner with Dad

好耐都冇同爸爸食飯了,覺得自己有d不孝添!今次叫埋威哥,但爸爸話想打邊爐,佢又唔就將就下,我覺得唔係咁岩囉,都就左您係荃灣啦!其實都係想食餐經濟d,耐d,同食到多d野,我都明爸爸平時冇咩野食,一支公又食唔到d咩,所以先咁鐘意大邊爐,一次過食到好多種類既野麻!宜家食小菜仲係每人百幾蚊,係呢間酒樓,呢個地區,真係唔抵啦!


 

2007年1月25日 星期四

2007-01-23 日本手信

好豐富的食物呀!! 其實係太陽哥哥的朋友去完日本給他的手信,為了氹我,佢夜晚十二點幾放工後飛的入黎比我架...您永遠都可以咁錫我就好啦!


 


2007年1月21日 星期日

2007-01-21 譚仔記米線

呢期一食就食上癮,同Ben哥哥食左兩次,同屋企人仲要食多次,真係好好味架!

 


2007年1月19日 星期五

2007-01-19 愛心早餐 + 特別宣佈

尋日吩咐好二選一,點知兩個都買下,食唔到用黎做早餐喎,咁咪兩樣都試到囉!嘻嘻,都係既,但一早食碗飯咁,好飽呀!

特別宣佈:恭喜太陽哥哥搵到工啦,其實係前日已知道,但礙於篇幅被明記生日蓋過,唯有今天先發佈啦!大概資料係:觀塘返工,都要返大陸(汕頭添!),朝九晚五点半,五日半,下星期一返工!恭喜恭喜!

係度,要多謝威哥,睇佢細路仔咁,但禱告內容好成熟好充實,雖然我對宗教仲有保留,但聽佢講的內容,真係令我好感動呀!好全面,唔係淨係祈求好表面一樣野,比如話見得成工咁,仲要叫神帶平安比太陽哥哥,唔好灰心,堅持信念,自有最適合的安排,其次連我都有份,平安都要帶埋比我,係適當時候比到支持太陽哥哥...細佬有時真係比到我大個仔的感覺!希望佢乖乖,真係要大個,做d應做既事啦!

而太陽哥哥的感恩亦令我好感動,多謝係首要,但又係提到,如果神真係保佑到佢,請都保佑埋佢身邊的人,包括我,威哥,我屋企人,好感動...

發覺身邊的人,其實互相都好愛錫大家,真係好難得!


2007年1月18日 星期四

2007-01-18 生日快樂

今日睇左生日快樂啦,好早時睇到個poster就想睇,我好鐘意呢種design,簡約舒服,似愛情小品,感覺似..."再說一次我愛您"的poster,古巨基Gigi許願首歌既MTV...另外見到係劉若英做,鐘意佢同華仔套天下無雙,鐘意佢,所以就想睇佢套戲囉,內容已經唔重要了!(不知不覺間,鐘意既野同華仔都有d"啦能",HAHA)

套戲好多喊位,好耐冇喊咁多了...好佩服小米對小南既愛,咁多年只係愛佢一個,身邊有好的都唔要,等小南比到安全感佢既一天;但一知小南結婚,失控了...我睇到好遺憾,兩個咁愛對方的人,點解會攪成咁?搵到個一樣咁愛自己既人其實好難,但因為大家愛的方式唔同攪成咁,真係好唔抵呀!

唔知係咪女仔關係,好明白小米的"分手後就無,但朋友就一世""調節i成好朋友""比好朋友更好的朋友",因為佢...愛得辛苦,因為越愛,所以越害怕失去!但攪笑地,小南好似一般大意的男人一樣,唔明白,仲攪到好炆,仲話女人好麻煩,好令人摸不著頭腦;但他的朋友就唔同,好明白:做朋友的要求唔同,冇咁高,自己會過得舒服,好過d,因為小米實在沒有安全感...我睇到點晒頭呀,呢幕,真係好深刻...對女人,安全感好重要,為左呢樣野,女人甚至可以做出好多愚蠢,令人費解同估唔到既事出黎,係小米身上睇到,係小南女朋友身上都睇到;雖然,小米咁做結果係咪好呢?攪左咁多年,明明愛又控制住,錯失了好多時光,但女人,一向就矛盾架啦,鬼叫男人愛咩,哈哈!而小南,點解唔放下自己的角度去了解女仔呢?

其次就係首歌,"有多少愛可以重來"(曲:王菲-愛與痛的邊緣),播左好幾次,d歌詞每次都"腰"中我個心,眼淚就跌出黎...

有多少愛可以重來

常常責怪自己 當初不應該
常常後悔沒有 把你留下來
為甚麼明明相愛 到最後還是要分開
是否我們總是 徘徊在心門之外

誰知道又和你 相遇在人海
命運獨自安排 總叫人無奈
這些年過得不好不壞 只是好像少了一個人存在
而我漸漸明白 你仍然是我不變的關懷

有多少愛可以重來 有多少人願意等待
當懂得珍惜以後回來 卻不知那份愛 會不會還在
有多少愛可以重來 有多少人值得等待
當愛情已經桑田滄海 是否還有勇氣去愛

套戲真係好睇架,大家快d去睇啦!

今日午餐:牛扒意粉,晚餐:MOS BURGER的元氣漢堡同摩斯芝士漢堡,好味道!




2007年1月17日 星期三

2007-01-17 Mcdonald Birthday Party

今日比左個驚喜生日派對比明記,我咁大個都係第一次係M記攪party,雖然我唔係主角,但呢個回憶好難忘好特別!最最最好玩係臨時諗出黎既冚棉枱遊戲:冚棉枱大家就玩得多啦,有冇試過先放包M記甜酸醬/BBQ醬係枱面先冚呢?即係最快冚落去個個要就住曲住隻手,唔好整爆包醬,不過就算做到,都好難倖免,因為係唔夠一秒之間,上面仲有十幾隻毫不留情既殘酷之手落黎,壓力之大足以拍扁您隻手兼迫爆包醬,仲要係上面狂ug狂捽...咁冚得最慢個個又點?就係同得最快個隻手握手啦!呢個懲罰係我諗出黎架,多人“賴”野先開心麻,哈哈!真係得快又唔係,得慢又死!我仲要唔手繼續玩第二舖,哈哈哈,死未!好好玩,好刺激,仲玩到好嘈,全場都望住我地,幾型!哈哈!(好可惜...忘記了影相...)


跟住去左碌齡,等十二點切蛋糕,個蛋糕我有份揀架,好得意架,仲好好味,岩晒我唔好cream既口味!


 


2007年1月16日 星期二

2007-01-16 食食食

肚餓問同事拎既食物,嘩,估唔到,隨時都有d咁筍咁正既野,睇包裝已覺得掂啦!

好耐冇食過的譚仔記雲南米線,梗係同我志同道合既人一齊食啦,亦係佢六年前帶我食第一次既!差唔多食完先記得影低呢個血淋淋場面,激死!一個大辣,一個小辣...嘩,好辣呀,好味呀,陣味...諗到又令人溜口水...yummy yummy!