2007年2月28日 星期三

2007-03-01 再見了,二月!





二月正式劃上了完美的句號,影低了屋企的新年擺設,做個紀念吧!





期待星期六環球嘉年華及星期日元宵佳節的舊曆生日!有期待,生活先唔會咁寂寥,人都開心d!


2007年2月27日 星期二

2007-02-28 和民晚飯

因為有張一百蚊生日 cash coupon,所以就去左和民食晚飯,仲係最後一日限期!今餐真係好豐富,好好味!太陽哥哥仲係屋企拎了一大堆鳥結糖比我!!



2007-02-28 遲來的情人節快樂

情人節已過了半個月,但希望大家都比比面,我至愛的華仔親手畫比FANS架,岩岩先搵到,希望大家鐘意!


2007-02-27 愛心麵包

今早的愛心麵包,from yammy的,要記低,係因為...這些機會少之又少,係將來亦唔可能再有了...吃的時候,感覺特別不同,每吃一啖,令我捨不得妳一次...


2007年2月26日 星期一

2007-02-26 意外禮物 & 泰文信

今日一回到公司,枱面有份好大好靚的禮物!是Conney送的Chip n Dale衣架,真係有心,我好鐘意呀!


爸爸幫我寫的一封泰文信,係我諗住寄比兩年前係布吉識的朋友,做得朋友,一年點都應聯絡一兩次吧!希望快d收到佢回信啦!

雖然我唔識睇泰文,但我覺得爸爸寫得好靚,好端正!其實細個已覺得爸爸手字好得架!


2007年2月25日 星期日

2007-02-25 最後一天假期

最喜歡的二月快完了,千萬個唔捨得,有我的生日啦,溫馨的情人節啦,熱鬧的新年啦,節目停不完的近十天的假期啦...下個二月,要等一年了,有排等呀!

最後的一日假期,陪媽咪入貨,拎到我地...傻晒!

不過今日係開心的家庭日,見媽咪煮咁多味餸就知,仲好有興致整杏仁糊湯圓我地食,真係食到超飽呀!

我地仲玩到連湯圓入面的芝麻都玩埋,當刷牙咁捽落棚牙度,似毛婆嗎?太陽哥哥問:嘩,您仲咩咁多蛀牙既?哈哈!


2007-02-24 意外的分數

今日太陽哥哥碌齡碌到好高分的分數,仲係兩舖都不錯,真係叻仔!其實我都想佢碌得開心d,尋求到當中既樂趣,咁就唔會成日陪我陪到發牛豆啦!

美極妹妹好似好鐘意同我地玩咁,叫我咩都叫埋佢,由上次高卡車之旅後,到今日既打邊爐碌齡,下星期的環球嘉年華,見我地話去長隆又話要去,哈哈!好可惜今日唔記得影相...

今日還將一大袋毛公仔送去太陽哥哥既迷你倉度,閘門個刻,都有d唔捨得,因擺低咗就唔會成日見到架啦,但仲好過扔左去,入面每一隻都有一些令人懷念既回憶架!又唔記得影相,激死我啦!


2007-02-23 北上會爸放煙花

今日去左深圳爸爸屋企,我由生日到宜家都未見過佢,比佢串左我幾鑊,問我乜我仲記得有佢呢個DADDY咩?

真係唔好意思,所以專誠下午放假,早d上去!爸爸同我地一樣,勁鐘意影相,係幅風景畫度影左好多,扮晒去咗桂林,哈哈!

                                

爸爸知我地想玩煙花,買左好多,呢度先二百蚊咋,好抵玩!這亦是我地上去的目的!

        

我地去左樂園路食海鮮,第一次見我爸爸,太陽哥哥請呀!


                               

堆煙花我地足足玩左成個幾鐘,太陽哥哥玩到忘晒形添,多次忘記我的存在,似足個大細路;琪琪就不停格格狂笑,最慘比煙花d屎彈落頭度,斷左十幾條頭髮!

呢個movie我覺得好攪笑,同太陽哥哥動作一致!


最後個煙火好大個,四十蚊架,我地留到最尾先放,係全晚既高潮!真係好靚同放得好耐! 

                     


好多年都未試過咁盡情咁放咁耐煙花,恨左十幾年都有,宜家爸爸係大陸住,只要我地想,相信每年都可以玩!  


2007年2月23日 星期五

2007-02-22 大嶼山拜山

今日一早應承左媽咪會一齊陪佢去大嶼山拜山,好耐冇去過了,咁難得,所以叫埋太陽哥哥,因為我已將佢列入我地一份子啦!

入得東涌,梗係約寶珠姐飲個早茶同逗利先啦,真係好耐冇見佢呢!

之後搭的士去觀音廟,沒有上香,沒有燒衣紙,只是簡單的插一紮花同鞠躬,但已足夠看出媽媽對公公的掛念...唔好喊,開心d!!影相氹下媽媽笑返先!



發完癲,見天氣仍然好好,去埋大佛同昂平市集逛逛!仲食左勁唔抵既豆腐花&芝麻糊($10碗),同埋魚蛋蘿蔔雞翼($50)!




 


2007年2月22日 星期四

2007-02-21 愛心Dinner

第一次的愛心Dinner,當然要記低,聽說只是做過兩三次呢,計一計,我也算榮幸了!偷拍還給發現了呢!哈哈!

其他人可能覺得普通簡單,但只要是您喜歡的人煮給您的,甚麼都會變得好吃,心也會很甜呢!就將佢地名為...愛之麵愛之蛋愛之糕啦!


2007年2月20日 星期二

2007-02-18/19/20 年初一至年初三

年初一去咗嫲嫲度拜年,跟住一大班親戚食飯,冇咩特別,最大收穫係去左四個鐘,時薪逹二百蚊,因為近我農曆生日,仲有生日利是逗!嘻嘻!

年初二至三,約左朋友上深圳玩,原本計劃去歡樂谷,但驚好多大陸人,所以放棄了,一心去玩高卡車!以下係我地呢兩天既行程:


1130 青衣城集合

1230 上水集合

1300 BEN在深圳接我地

1345 午飯@餃子店(唔記得影相呀!)

1500 食甜品

很有中國FEEL的擺設呀!

呢張相擺位靚兼影得好靚既一張相,一絶!


1630 香蜜湖高卡車

排隊等時我地玩遊戲,輸了要互錫,很攪笑!美極共跟四個男仔錫錫呢!哈哈!

1830 冇開機動遊戲既寰宇繽紛嘉年華

明記跟BEN自創的HIP HOP DANCE,笑到肚痛呀!!

由美極楂機的一張很靚的相片!

1930 超級豐富的海鮮晚餐

很肉酸的水曱x同田雞呀!

2130 瑪雅城娛樂:乒乓波桌球、睇“翻生侏羅館”、

去程途中

好攪笑的玩樂場面!

請大家仔細看看,一樣的衣著,一樣的拖鞋,聯想到甚麼?似夠鐘放出來休息的囚犯嗎?哈哈!

去按摩啦!


第二日十一點離開,食過午飯後,我地就分道揚鑣,我就去完東門先返香港!