2007年2月17日 星期六

2007-02-17 生日咭的近鏡


朋友話看不清楚太陽哥哥畫的生日咭,就來個近鏡給大家看看吧!

是我喜愛的大車頭燈車款黎架,還有我的名字呢!

好在同佢拍拖前已學識電單車咋,因為我知佢覺得電單車好危險,同佢一齊先佢實唔比我學!雖然學左先一齊都冇咩好處(因為佢唔比我買電單車架!),不過我做每樣野都同佢有商有量,就係咁先溝通同相處愉快,我亦好聽佢話,所以佢都好錫我,麻麻地電單車都好用心咁,一筆一筆畫左呢幅畫送比我,滿足下我想楂電單車既慾望!諗到成幅畫全係每條線都係比咁比心機整出黎,我唔要架電單車又有咩所謂呢?嘻嘻~~

 

今天係年三十,盡最後努力大掃除,其實好求其,都係應付媽咪,哈哈!

最期待當然是約了朋友玩啦,先黎場八點門徒,再去碌齡,跟住宵夜,仲由我親自楂車送太陽哥哥回巢,型!

係度講吓套戲啦,由於懶惰關係,直接係細妹個BLOG抄落黎啦,佢既感想我都非常同意麻,嘻嘻!

"古天樂同張靜初真係勁似道友,入型入格!!戲內有幾Part 好深刻~~~第一個係智叔,佢先比人整段左隻手,之后海關破門而入毒品廠時,佢第一時間叫人睇住佢隻手,唔好踩爛。第二個讚既係袁詠儀,佢叫華仔去死嗰段,完全睇到佢無奈、不捨既感覺。作為一個莊家既老婆,就已經要有晒心理準備老公隨時會死,而為左保護自己既家人,佢亦作出最殘忍既選擇,親自叫老公去死,當差人見佢唔捨得離開,只以為係暫別,但無人會知道原來已經係生離死別,嗰種傷痛,我覺得袁詠儀做得好好。仲有既係個小妹妹,佢既表演一D都唔做作,好自然咁表現出一個小朋友咩都唔識既情況,用手食麵,將地下執上黎既朱古力豆放入口再吐番出黎,仲有吳彥祖抱住佢,想放佢落Sofa,佢用手同腳夾住唔肯個Part都令人難忘。我同家姐笑得超大聲!!! 最最最后華仔自殺個Part都好好Touching!係咁求吳彥祖比多少少時間佢「放血」!! 等佢可以死!!

總括而言,我都覺得『門徒』係套值得買飛入場睇既港產片!!"

瑪姬妹妹,完全讚同,我BUY您!


沒有留言:

張貼留言