2016-01-09 (Sat) 入廠三日兩夜

入廠三日兩夜微創切肌瘤, 明天出院, 丁丁竟然怕到唔掂我唔入黎, 咁我真係可以抖下囉, 哈哈!

2015-12-01 (Tue) 兒科專科覆診

四個月的高度/體重增長, 冇事啦, 有增到, 四至六個月後再睇!

2015-08-20 (Thu) 扁平足

帶丁丁評估扁平足, 確定係呀, 醫生話買來佬鞋比佢著, 一千幾百個D; 遲D要做個insole for arch support!

2015-08-04 (Tue) 三仔乸一齊睇醫生。兒科專科

第一次三仔乸一齊睇醫生~~另外, 丁丁生長線脫離了出生線, 要睇兒科專科, 四個月後再覆診!

2014-08-21 (Thu) 塞珠仔入鼻

丁丁返學時塞左呢粒珠仔入鼻, 嚇到我一額汗又要扮鎮定, 學校即刻車我地去醫院拎返出黎......感恩丁丁無事, 事發到攪掂都影響, 係佢被人禁住做檢查時嚇親先喪喊, 亦係咁先噴返粒珠仔出黎! 佢呢排對D身體既窿都好好奇, 好鍾意探索, 鼻窿, 耳窿.......醫生動手前姑娘報價三四千, 檢查一部機, 做又另一部機, 我心慌慌都聽唔入耳, 總之好多機, 個刻咩都話OK啦......做緊時, 丁丁喪喊中自己噴返出黎, 岩岩未到用最貴部機, 醫生好轟真, 話個二千幾唔收我! 因為冇無險, 丁丁幫媽媽慳返二千大元呢!

2014-07-18 (Fri) St. Teresa Day 4

尋日全日冇燒, 奈何半夜燒了, 唉, 又要重新計過24小時; 今晚丁丁半夜都無燒, 聽日可以出院啦! 係度一共住左四晚, 我係同丁丁咁訓的...........

2014-07-17 (Thu) St. Teresa Day 3

今日種菌報告都出左, 又係冇事喎, 安心晒! 醫生話純粹流感, 發燒會高下低下, 但要24小時唔發燒先出得院! 今日同父父玩得好開心, 夜晚同爸爸姨姨又玩得好開心!

2014-07-16 (Wed) St. Teresa Day 2

同丁丁過左一晚, 呢個懶訓豬半夜都冇醒過, 但就成日摸住我囉.....驗血驗尿出左, 尿入面冇炎症喎, 奇! 醫生話少少蛋白, 可能紅腫損都會, 要注意清潔同溫柔D抹喎, 太過乾淨又唔得........另外"重碳酸鹽"偏低, 即係人體水份, 正常要29, 但丁丁得18....要飲多多多D水呀!

2014-07-15 (Tue) St. Teresa Day 1 - 剝蛋殼

係醫院真係冇咩好做, 除左行來行去, 就係食食食, 剝蛋殼~~

2014-07-15 (Tue) St. Teresa Day 1 - 畫畫畫 by 丁媽媽

丁丁成日要我畫公仔, 我諗都係得佢先知媽媽畫咩, 哈哈!

2014-07-15 (Tue) St. Teresa Day 1

丁丁尋日按住下面一路wee wee一路喊, 夜晚又高燒到39.6, 估計尿道炎, 今朝即刻入院!

2014-02-25 (Tue) 覆診

今日帶丁丁覆診, 冇問題啦, 傷口埋得好好; 雖然再出機會好大, 希望下次醒目D, 早點處理得掂啦!

2014-02-22 (Sat) 眼瘡小手術@浸會醫院

丁丁今日入院啦, 雖然醫生多次強調係小手術, 但始終丁丁第一次GA做手術, 做呀媽既我點會唔擔心; 因為我要返工, 朝早交比婆婆爸爸呀姨同丁丁入院; 我一放工搭的士去, 點知送手術室尾......想喊! 好在個手術超快, 係病房坐低20分鐘度, 姑娘就叫我地落去見醫生同接丁丁返房; 丁丁已醒, 係度喪喊, 可想而知GA都真係好輕藥下! 一聽到我把聲就冇事, 但係咁拑住我要我抱囉, 無問題, 寶貝女! 上到房佢都攰, 訓左大半個鐘, 一醒就活躍返晒; 仲好快咁即刻飲到水, 同食左3粒好似佢拳頭咁大既士多啤梨, 兩塊卷蛋, 十幾粒提子, 再食真係驚佢嘔; 到五點半, 佢有埋wee wee, 醫生又巡多次房, 我地都出院啦!

2014-02-21 (Fri) 眼瘡爆了少少

丁丁粒眼瘡爆了少少, 按出來的都是血; 醫生好好, 未見佢已打了兩趟電話比我, 私家真係唔同D! 好在佢話唔會影響手術, 快D攪掂去啦.........

2014-02-20 (Thu) 睇眼科@林順潮眼科中心

丁丁眼瘡手術, 同Sharon傾完後, 想轉睇林順潮眼科中心; 問過UHS話醫生改返referral letter就得, 點知Dr. Kwong唔肯改, 好失望....但都明既, 可能唔可亂用大學資源, 如果個個病人睇專科睇幾個醫生咪唔掂, 加上宜家轉睇私家, 怕被人話掛鈎都會既.........好在今個月剛幫丁丁買左Bupa, 都用到呢份保險, 經深思熟慮後, 決定轉,  林順潮眼科中心咁出名, 信心保證; 加上Sharon話睇兒科個Dr. Flora Lau都係HK Eye Hospital轉過黎, 應該好好先挖角既; 有熟人係度, 都好辦事!

原本轉舊聽日做手術, 手術室都冇期架啦, 點知冇床位, 最快要星期六; 但丁丁粒眼瘡大得好快呀, 希望趕得切........

2014-02-18 (Tue) 睇眼科@CUHK Eye Centre (HK Eye Hospital)

丁丁粒眼瘡呢幾日好似大左, 仲好似腫起兼有膿係入面, 電郵比中大醫生, 佢寫左urgent case, 叫我帶丁丁去睇眼科@CUHK Eye Centre (HK Eye Hospital); 丁丁好叻女, 先同視光師做眼力測試, 佢對眼好犀利, 好細微既野都睇到, 又識玩個GAME, 好開心, 哈哈!

跟住見醫生, 真係眼瘡, 因為已好大同含膿, 已不能熱敷/眼藥水/藥膏可攪到, 一定要做手術喎, 唔係由佢自己爆會大傷口同有疤痕; 做手術就要全身麻醉(GA)........無可選擇, book左星期五做.....