2013年10月29日 星期二

2013-10-29 (Tue) 丁爸爸傷口埋口了

丁爸爸傷口埋口了, 上星期四拆線,尋日正式可幫臭腳沖返涼, 望落埋得唔錯吖!

2013年10月27日 星期日

2013-10-27 (Sun) 痴身丁丁

痴身丁丁訓覺都愛痴住我, 訓上黎都唔夠, 仲要Q埋我隻手, 哈哈!


2013-10-27 (Sun) Trial lesson @ My Kiddy Gym

今日去My Kiddy Gym試堂, 一去到咁colourful, 丁丁已經係咁指要入去, 諗住佢會好鍾意; 但一入去就失控, 係, 佢好鍾意, 但只限於自己鍾意爬去邊就去邊, 您要佢坐低圍圈唱歌, 睇老師做乜就好難, 後尾仲喊, 因為我抱起佢要佢做呢樣個樣, 最後要出動奶咀先肯收聲! 

媽媽心態梗係想佢試晒每樣野, 因為係試堂, 想係呢一堂知道佢鍾意唔鍾意, 唉~~一安撫好, 即刻搵老師試做今堂兩個大肌肉練習, 總算做左; 但最後我地都早左十分鐘走, 因為丁丁已唔多玩了, 當然亦冇join到啦~~ 

睇返個後滾翻movie, 其實都幾得意, 最後好似人地D體操選手咁, 最後落地個下企到直一直, 滿分咁, 係差未舉起雙手, 哈哈!

2013-10-27 (Sun) 1st STEP

丁丁開始學行了!

一直冇特別train丁丁快D學行, 因相信爬得越耐, 對四肢同腦的協調越好; 加上私心, 覺得未識行路仲係BB, 我一直都唔捨得丁丁長大……點拖都好, 呢日終會黎, 丁丁真係大個了! 百感交集……..亦令我體會了Montessori的"follow the child"!


點行點跑都好, 丁丁呀, 記得回頭望下媽媽, 等埋媽媽呀!

2013-10-27 (Sun) 公園遇見對面屋哥哥

今朝食完早餐, 係公園遇見對面屋哥哥, 一齊玩陣先, 太陽+公園, 小朋友的兩大重要元素!


2013年10月24日 星期四

2013-10-24 (Thu) 大家族晚飯@彩福皇宴.切蛋糕@小丁丁1歲.Royal Garden's green apple cheese cake

丁爸爸出院後, 先得閒約大家族一齊食個晚飯, 順道補祝丁丁一歲生日; 其實約時都唔係話為丁丁生日, 只係想請親戚們食餐飯, 後尾先諗都未同丁丁慶祝, 就買埋蛋糕啦! 一歲生日蛋糕想特別D, 想試下熱買中Royal Garden 的 green apple cheese cake, 但立體的又好細果, 大D只得平面蛋糕, 左諗右諗之下就決定兩款都買晒去, 黎個 green apple cheese cake 之夜啦, 哈哈!


2013-10-24 (Thu) 楂車車

楂車車:


2013-10-24 (Thu) 廿四孝老婆.Hungry Korea

平時放假都係為呀囡, 打針呀去玩呀咁, 極少好似今日咁做廿四孝老婆, 全日車老公睇醫生同物理治療!早上先去PMH覆診, 拆線, book政府physio; 攪掂後都點幾, 去MK買野, 去尖東買蛋糕; 四點再去同老公見私家骨科醫生及開始做 physio!

一直未停過lunch都冇得食, 約左親戚七點半晚飯, 但都等唔切, 去左Hungry Korea食個麵先!


2013年10月21日 星期一

2013-10-21 (Mon) 刷牙仔1

今日買左牙刷比丁丁, 臨訓前試下先, 佢當然好肯試啦, 新野喎! 哈哈!

2013-10-21 (Mon) 童工

今日office 有個好幫得手既童工! 哈哈! 其實係Phoebe 入黎搵我地食飯, 帶埋貝貝黎, 貝貝warm up後非常主動, 又多野講, 仲唔捨得走添, 好攪野!


2013年10月19日 星期六

2013-10-19 (Sat) Montessori 家長班

年中已經決定要上呢個家長班, 當時丁丁游水堂係逢星期六上唔到; 到九月星期六可以, 媽咪又入左醫院; 今個月, 到丁爸爸入, 好在用枴杖都上到堂.......終於上到了!


感覺:表姐兩個囝係度讀,幾年來睇住佢兩個  Montessori 孩子係點成長, 覺得的確係有別於其他孩子; 所有我本身係buy Montessori 的, 最擔心只係銜接小學, 財政上能支持嗎? (家長實話: 廢話!) 哈哈, 點都好, 聽左先!

後感: 
丁爸爸自己話尋晚3AM先訓著, 今日八個鐘竟然一分鐘都冇恰過眼訓!
丁婆婆同丁爸爸都buy, 我已經舒服晒, 起碼$2300比得值, 唔洗比人鬧兼有交代!
我聽完當然繼續buy, 原來0-3咁重要, 丁丁已過左1/3, 應該早D黎上堂呢! 返到去我超掛住丁丁, 係咁攬住佢唔捨得放手, 好感慨, 佢係我生命既延續, 我應該點幫佢呢? 我應該點令佢既潛能爆出黎呢?
呢度唔會教父母洗錢上playgroup唔會主張買玩具, 反而唔洗錢既野就係最岩小孩既 - 大自然!
最好既工具(屋企環境有既野)就係教具, 而唔係玩具! 
教育 -> 搵潛能, 做貢獻 (from服務, 家務)
有秩序環境下自由選擇 ->歸位, 提取, 分類 -> Logic-> start of Maths
不用語言, 不用高調讚賞, 不用買野獎賞
Follow the child! 

與其把資源重點投資在購買玩具及教材的硬件上,倒不如先把資源投放在自我增值的軟件上,如參加家長班去增加對孩子及教育的認知吧!這是教育孩子的最佳方法!(http://www.infinitychildren.com)

"With child's infinite possibilities, he/she can well be the transformer of humanities, just as he/she is its creator. The child brings us a great hope and a new vision"──Maria Montessori, "Absorbent Mind"


2013年10月10日 星期四

2013-10-10 (Thu) 推車仔賣點心

又推車車, 真係賣點心咁, 哈哈!

2013-10-10 (Thu) 同爸爸視像係咁叫「爸爸、爸爸」

同爸爸視像,係咁叫「爸爸、爸爸」! 丁爸爸超心甜~~~

2013-10-10 (Thu) 帶丁爸爸出走@和民午飯

今次係丁丁帶丁爸爸出走, 打完針, 就去醫院搵爸爸, 醫院不適合小朋友去, 就帶爸爸去和民食午飯!


2013-10-10 (Thu) 一歲針

今日放假, 帶丁丁打一歲針, 打完都唔喊, 仲牙擦擦! 今日磅有8.25kg~~

2013-10-10 (Thu) 丁爸爸超長傷口........

oh my god!!!! 又話開個10cm的傷口,呢度成15cm 都有! 冇諗過咁長,見到嚇一嚇,眼都突左.........好恐怖好心痛...........

2013-10-10 (Thu) 最愛趴住我訓

丁丁最愛趴住我訓:




2013年10月7日 星期一

2013年10月5日 星期六

2013-10-05 (Sat) Trial lesson @ Bambini

自問未係怪獸家長, 除左游水堂, 我冇帶丁丁上過fixed lessons, 丁丁其實一歲大了, 眼見身邊D媽媽又上playgroups又搵學校, 而我咩都冇做, 有時都好迷茫; 我會認同比機會丁丁同其他小朋友多點相處, 所以除左游水, 都可以比佢返下學; 上次跟Jacky介紹試左Praise, 今日就試Bambini, 不過最後都冇報, 因為丁丁只對出面既playing area好有興趣, 的確好多野玩; 但一上當, 開頭都OK既, 但由於要佢坐定定太耐, after break之後下半堂, 佢係咁指住門口要出去, 又唔肯自己坐.......我覺醒呢種上堂模式唔適合佢, 所以冇報呀!


2013-10-05 (Sat) 推車車

推車車:


2013年10月4日 星期五

2013-10-04 (Fri) Dr. Kong 學步鞋

團購的Dr. Kong 學步鞋,好靚吖, 抵!

2013-10-04 (Fri) 小丁丁一歲啦!

今日係小丁丁一歲生日大日子,尋晚攪掂晒屋企野, 成十一點幾探丁爸爸, 一齊懷念一年前既呢一刻, 將近開始陣痛,小丁丁就出世.........

雖然一早請左假, 可惜忙於奔波醫院, 帶唔到丁丁去邊度玩; 有諗過下午單拖帶佢去迪迪尼, 最後都係唔得.......好對丁丁唔住呢, 等爸爸出院, 對腳好返, 先同您補返慶祝返; 平時個個月都有個蛋糕, 反而今日一歲都冇, 醫生批准丁爸爸出院一陣食餐飯已經好好!



2013年10月3日 星期四

2013-10-03 (Thu) 丁爸爸入院了

尋日一返到香港, 第一時間車丁爸爸入中大睇醫生, 但台灣的x-ray唔清楚, 醫生建議再去A&E照, 亦唔建議book PWH 私家症, 因分分鐘要等一兩個星期; 正諗緊去PWH定PMH時, 姑娘建議後者, 因前著分分鐘排8-10個鐘喎! 去到PMH五點, 要等5個鐘.........中間我返左去執行李, 晚飯, 照顧丁丁, 到晚上十點幾再返去, 趕得切見醫生, 點知照完x-ray睇片, 醫生話要入院, 應該要做手術添, 當場: 下....冇諗過咁嚴重! 係呢個時候後悔了, 應用去PWH, 咁入院我都可即刻約教授醫生.......

今朝一早打去搵中大教授醫生, 有個創傷部主管醫生超好人, 佢好想接丁爸爸, 可惜睇到PWH已經爆都冇期做手術, 佢話如果PMH都下星期幫佢做手術, 咁都唔好搬黎搬去, 所有我地就繼續留係PMH; 原來媽咪有個波友係PMH骨科做, 佢勁好人, 即刻幫手問晒醫生D野; 有個熟人關照住, 放心好多! 而丁爸爸個病房好大好舒服,只得一半病人, 講真仲大過媽咪早排浸會間房, 仲係窗口位添, 唔錯吖!


2013年10月2日 星期三

2013-10-02 (Wed) 台灣之旅 Day 6: 高雄 -> 香港

未試過去旅行係咁想返屋企既, 多得Karrie幫手, asia miles 尋日下午打左電話比我地, 幫我地由夜機改左早機走, 所以我地一起身就去機場啦! 全程特別通道.......


2013年10月1日 星期二

2013-10-01 (Tue) 台灣之旅 Day 5: 台北


媽咪第一次黎台北, 可惜帶唔到佢去邊玩, 原本呢兩日會去下淡水/士林/夜市/木柵動物園/深坑........玩唔到都要買手信, 所以今朝租左加的士, 特登買手信, 仲要一半係丁呀姨/丁爸爸幫朋友買既; 其實有時我都好唔明, 幫人買啫,買到咪買,買唔到都唔需要太刻意......加上我地宜家咁既身世, 最辛苦係買兩卷芋泥卷蛋蛋糕,好重, 原來要雪住, 咁即係要要手提, 仲要特登買個雪袋, 兼得三日有效期........丁丁坐的士坐到呆晒, 之後係Sogo最後一站, 午餐係food court, 跟住行好遠下睇下porter, 點知唔掂,後悔行都咁辛苦; 好在見到個好cute backpack, 雖然二百幾港幣, 但都買了比丁丁!

天黑了, 乾杯係附近, 一於帶細妹媽咪去, 仲記得上次黎同丁爸爸都有錫十秒, 原來已經係五年前啦! 今次繼續錫十秒, 但係我同丁爸爸錫丁丁, 丁丁個樣好傻呀! 哈哈!