以下有幾張勁相，一定要同大家share，因為真係好勁好勁．．．我同太陽哥哥玩影跳起相都算多，但琪琪呢排玩到．．．已經超越左我地啦，皆因佢係抱住佢個契仔軒軒黎跳！
睇軒軒都好似笑到癲左咁喎，被抱個個原來咁好玩既！呢個境界真係唔係個個做到，等我都試下叫太陽哥哥抱住我黎跳先，哈哈哈哈~~~~
呢日聽琪琪講佢地去左愉景灣玩，玩得好開心下，我睇佢地ｄ相都覺得好笑，就順道post埋其他相同大家分享下啦！爬樹呢part真係笑爆咀，琪琪仲稱呼自己係神經保母，唔．．．個名都改得幾岩，哈哈！
＜節錄自琪琪blog：http://hk.myblog.yahoo.com/maggie-kkc/article?mid=6361＞
神經保母第一次發作 爬樹唔係我強項，加上忍唔住笑，仲有大Pat Pat，最終要汶妮出手幫我Push Up先上到!!嘩......標晒汗呀!
軒軒一個人就驚驚，不過有人抱住就唔驚驚啦.....仲好開心添.....
聽聞軒軒宜家好攪笑，識得咩叫影相，所以會任人擺佈咁擺出好多甫士，有ｄ我都覺得好得好型好攪笑，不過最攪笑係聽琪琪講，ｄ甫士通常只可維持幾秒就"冧"左！哈哈！
可以翹腳添喎，不過一定要挨住條柱先得，哈哈！
雙手插袋：
單手托腮：
由於手短腳短，好難造出不同造型，擺到咁已經好唔錯！
琪琪話都要好似ｄ海豚表演咁，人地做完動作有魚仔食，軒軒都要比ｄ甜頭佢喎，哈哈！
軒軒將elmo & cookie公仔亂丟落ｄ餸菜度，攪到油淋淋，跟住elmo & cookie就比ｄ大人放落茶壺度洗白白呀！好攪笑！
