2009年2月21日 星期六

2009-02-21 (Sat) Monster Sushi


有日終於有機會試到 Monster Sushi 啦,不過去之前都唔係幾開心;皆因我地之前去左金都,發現左好似有d更好既選擇,令我地對尋晚的決定有d後悔,係咪揀錯呢?太陽哥哥見我唔係咁開心,就係咁氹我,就算要等位都好,都要食 Monster Sushi!



大家都行到又攰又肚餓,唔坐迴轉位都冇所謂,因為我又唔食魚生乜滯既!




開餐啦:




鐘意呢度除魚生外,仲有好多熟食選擇!




最出名係哥斯拉卷,所以我地都有試!我幾鍾意食,太陽哥哥就覺得一般!梗係啦,佢只鍾意食魚生!





哥斯拉卷〔$35〕



三文魚壽司〔$12〕、八爪魚壽司〔$22〕(三文魚好大塊呀,$12最抵食!!)



帶子壽司〔$28〕、拖羅壽司(1件)〔$26〕
(帶子超巨, 正!! 太陽哥哥第一次食拖羅, 佢話冇咩特別, 三文魚好食d喎!!)



辣味軟殼蟹壽司〔$22〕(唔洗食舊飯好d!!)




芒果帶子軍艦〔$26〕、海膽軍艦〔$28〕
(芒果+帶子, 我既favourite!! 海膽一向比我感覺一般, 點解d人會食得咁瘋狂既?? 唔通我地唔識食貴野?! 好似拖羅同海膽都冇咩感覺咁!!)



酒煮蜆〔$35〕



芝士炸魚條〔$22〕(d芝士流出黎架, 正!!)




呢度好似吳彥祖有份合資架,呢d吊波波燈係佢朋友設計既!



不過我鐘意呢盞JUMBO檯燈多d,咁樣照住食飯,我覺得勁攪野!




今晚帶住好多煩憂咁上床訓覺,一訓落床個腦係咁轉,訓唔著,好多野諗,最後,我嘗試了...祈禱,對基督教一向有保留,但我只係想搵個人呻下,將心中的一切憂慮、擔心、煩惱,好似有個人會聽您咁,講晒出黎,心入面會舒服好多!


我嘗試祈求上天,唔好咁多後悔,唔好咁害怕選擇,比我有正面既心態去面對所有野,唔好再回想已放棄的選擇上,反而應將時間放係已揀左的選擇上,去諗下點樣做得更好;對選擇唔明白既,覺得唔係咁好既,好!一於聽日去問清楚!


諗起細佬成日講既,上天未必會安排最好既比您,但係會安排最適合既比您!抱住呢個諗法,去相信,心中重擔會減輕好多!希望明天一切順利,從而比我覺得,呢個選擇根本係岩既!



沒有留言:

張貼留言