今日難得媽咪下午唔洗補習，我下午又咁岩放到假，一於決定去表姐度，因為呢期媽咪教緊表姐織冷衫，費事要表姐次次特登過黎青衣麻，細姑媽又去完旅行返黎喎，上表姐度又可順道拜年，又可同諾諾玩，一舉幾得！
咁岩叔叔又放假，我地約埋一齊係沙田美心飲茶先；諾諾坐我側邊，超開心，我問佢：where is your tongue？佢就會伸脷，宜家仲識lam左lam右呀，好攪笑，睇片啦：
食飯都不忘練習，宜家教小朋友原來要趁早開始，做媽媽時刻都要諗下點開心咁活動教學，咁個ＢＢ就唔會辛苦啦，好似諾諾咁，成日都笑，一個開心ＢＢ！
諾諾好叻呀，抽ｄ字母問佢咩黎佢識分架，片中會清楚聽到佢講A、O、M，M講得特別攪笑！呢度只係拍左部份咋，佢仲識其他子母架，好叻叻呀，但唔可以一次過問佢好多，佢會不耐煩架，每次問兩三個好啦！
叔叔要走啦，臨走時同諾諾影返張相先，一講beautiful eye，諾諾就會眨眼架，好cute好盞鬼！
呢件女仔裙仔又係媽咪新作，佢特登帶黎比表姐睇，因為表姐好恨要個囡架，我地就將件衫放係諾諾個身度影相，哈哈！
飲完茶就去姑媽屋企啦，上次第一次黎仲係裝修尾聲未入伙，今日先係正式第一次拜訪；呢度好大呀，我今次冇全屋影啦，想睇返就按此處 (<- click)
呢度裝修時係諾諾間房，但佢宜家咁細個唔可以自己訓，暫時變左playing room先！
窗台放滿諾諾的玩具，任君選擇，好狀觀呀！
睇諾諾玩到幾癲幾開心！
諾諾與penguin：
諾諾會跟住penguin行路同郁對手架，但佢又唔敢掂隻企鵝喎，唔知係咪以為隻企鵝係真動物所以怕怕呢？
諾諾訓晏覺時，媽咪同表姐織冷衫，我就周圍影下ｄ新年佈置，呢度都有chip n dale 揮春呢！
好鐘意呢張相，大家望到有架飛機嗎？
右邊係諾諾既work station黎架！
拎野飲時忍唔住要影低裝滿食物的大雪櫃！
諾諾訓醒啦，已經天黑，直到我地七點三離開，中間只係大約45分鐘，睇下同左諾諾玩左幾多樣野啦！先係我送比諾諾的音樂神奇畫板：
咁大張mat咁細粒的公仔，諾諾都搵到duck duck呀，幾犀利！
最衰出面天黑，唔係大小風車影埋一齊應該幾靚！跟住玩風車＋penguin：
呢張超攪笑！
嗱．．．penguin跌低左諾諾都唔敢扶佢起身架！
跟住睇書書：
真係睇到眼都唔眨，好認真架！
跟住玩杯杯桶：
我同諾諾係咁repeat咁玩cheers，睇我氹到佢幾開心！
我cheers左陣就悶啦，但諾諾好似cheers極都唔厭．．．唉！
跟住玩打電話： 真係有禁掣架，禁完會講野添．．．好攪笑！
玩咩都一樣，係咁repeat都唔厭．．．我就係咁影相囉！
噢！等到恰眼訓呢！嘻嘻～～
攪咩咁肉緊呀？呢張勁攪笑！哈哈～～
諾諾真係玩極都唔攰，可能訓左晏覺變得精力十足，係咁爬黎爬去、行黎行去．．．睇到啦，短短45分鐘就玩左咁多樣野啦！湊ＢＢ真係唔容易，我見識左半日已經嚇親啦！ 咁cutie既襪仔都要影一影先！
沒有留言:
張貼留言