我拆左利是啦，雖然仲有好幾封未逗，但實有太多利是啦，好厚咁，於是忍唔住拆左去，然後丟晒ｄ利是封，哈哈！
今年收的利是，有ｄ係自己屋企枕頭底，有ｄ係太陽哥哥屋企枕頭底，所以呢度係大部份，未齊架，但等唔切啦！
拆左後就丟晒ｄ利是封，淨係keep錢，哈哈！每年的利是封總係五花八門，今年都唔例外，等我分享下較為特別ｄ個ｄ先！
每年媽咪的利是封都好特別架，上年的鼠年利是封，我仲記得係全場No.1 既，今年的金牛滿屋都好特別：
上年的鼠年利是封：
太陽哥哥今年係第三年比利是我啦，今年仲第一次加埋壓歲錢，希望呢個優良習慣繼續保持落去啦！嘻嘻～～
最最最大封既，呢兩年黎都係太陽媽媽同爸爸的利是，接近四位數字架，非常可觀呢！所以呢，淨係媽咪、太陽哥哥同太陽媽媽爸爸的利是錢，已接近總額的一半了，亦即係接近一半的利是錢，其實係佢地贊助既，哈哈！
今年係牛年，但仲收到鼠年利是封呢，不過都幾可愛啦！
連2008年的利是封都有！
呢兩款就好多燙金，好金銀滿屋、大展鴻圖feel，仲有桃花運咁！
呢款Ｍ記獨家燙金利是封，係內部職員先有，街外冇架，比起食套餐送個款普通紅色版靚好多好多倍呀，我好鍾意呢！因為係十二生肖利是封，所以咩生肖都會有，我收到既係猴，後面寫明係2009年架！
銀行身家有返咁上下份量既 HSBC Premier ，呢封係老闆比既！
男女仔左右各一邊的利是封，最攪笑係派個個都唔知，以為係一樣呢；而咁岩我個兩封係一set，細佬妹個兩封反而係一樣的，難怪派者不知，因為佢自己都撈亂晒，哈哈！
其餘利是封：
截至初八，利是錢已衝破三千大關啦，黎緊幾日再努力ｄ先，係咪成個正月都有得派既呢？其實總數跟上年的差不多，已經係一個好好的回憶了！
多謝晒所有派利是比我的親戚朋友們，多年黎得您地既支持，真係我既福氣，係我淪落街頭既日子，多得您地給予的溫暖！哈哈～～～～放心啦，有朝一日，我會派返比您地．．．既仔女架！未生個ｄ，為左我封利是，就加把勁啦！
沒有留言:
張貼留言