2013年11月30日 星期六

2013-11-30 (Sat) 荃灣廣場室外遊樂場

今日帶丁丁去試玩荃灣廣場室外遊樂場, 勁多人呀, 都係岩大B多D; 韆鞦冇兜, 好多野丁丁太高都爬唔到; 有三個滑梯, 但全部都要我係下面姐姐係上面咁抱佢上去先玩到; 佢最鍾意玩有窿個款; 第一次玩都幾快, 佢個樣都驚驚地咁, 但玩完又指住要再玩喎, 哈哈!

2013年11月29日 星期五

2013-11-29 (Fri) 一年前後的李小龍丁丁

一年前後的李小龍丁丁:

2013-11-29 (Fri) 丁爸爸Physio@中大

丁爸爸今日黎中大見醫生兼第一次Physio, 佢返工的日子, 根本無可能黎到同我食晏, 呢D機會真係好難得!

2013-11-29 (Fri) 豹紋雪褸出動

12度下, 豹紋雪褸出動了! 原本諗住帶埋丁丁去滑雪先買呢件雪褸, 點知宜家將會丟低佢係香港........岩啦, 唔好晒左件褸!


2013年11月27日 星期三

2013-11-27 (Wed) 大本營遊學園Play House

食完野就帶丁丁去玩, 亦係黎大本營食飯的主要原因, 我地去左遊學園Play House, 我地包晒場, 因為已經八點啦, 玩左一個鐘, 九點就要走啦! 最開心同丁丁玩滑梯同車仔, 呢度D玩梯前真係好滑好快, 丁丁第一下都呆一呆, 但見咁多波波又好開心! 車仔就由開頭耍晒手話唔玩, 到後來玩上癮, 仲示意我地encore添!

2013-11-27 (Wed) Dinner@泰綠

今日同丁爺爺丁嫲嫲去大本營食飯, 揀左泰綠食泰國野, 好好味呀!

2013年11月26日 星期二

2013-11-26 (Tue) Give a little wiggle

丁丁近來的favourite song: Give a little wiggle

Put your hands on your head,
Put your hands on your knees,
Put your hands on your hip,
and give a little wiggle,
now turn around and stop!




2013年11月25日 星期一

2013-11-25 (Mon) 訓在我身

丁丁呢個星期唔知做咩, 訓得好唔冧, 成日紮醒發覺唔係痴住我就會爬上我個身度, 係要反黏住我先得, 今次仲訓在我身~~


2013年11月24日 星期日

2013-11-24 (Sun) Karrie慶生飯@中大崇基職員聯誼會

今朝同屋企人黎呢度飲茶, 終於試勻晒中大三間有得飲茶既餐廳; 跟住見菜牌都OK, 反正今晚餐飯都未揀地方, 不如就呢度啦, 朋友們又OK喎, 就決定左係呢度食Karrie慶生飯! 整體都唔錯, 最緊要係唔洗等位, 又價錢經濟! Karrie今晚好開心, 希望佢快D願望成真啦!

2013-11-24 (Sun) Swimming Class #31

由去台灣前的游水班後, 之後因丁爸爸腳傷, 停左拍攝堂上情況; 今日丁爸爸半復出, 拍到丁丁玩至愛的magic carpet, 丁丁宜家可以係carpet上面行行行, 到落水啦, 勇敢的丁丁!

2013年11月21日 星期四

2013-11-26 (Tue) 約會Jayden@迪欣湖

又約左表姐一齊放電, 嘩, 黎到冇人, weekday黎真係勁正! 呢度真係太乾淨, 我任丁丁爬, 最得意係佢同Jayden好似小情人咁!

2013年11月20日 星期三

2013-11-23 (Sat) 約會Jayden@Disneyland

表姐話諾諾去camp三日, 想帶Jayden 放學後去迪迪尼, 約埋我同小丁丁; 本身今朝同丁爸爸睇醫生, 再同叔叔姑媽飲苶, 接埋再去迪迪尼, 時間好好兼好充實吖!

2013-11-20 (Wed) 舅父:丁丁

舅父:丁丁 = 31!




2013年11月18日 星期一

2013-11-18 (Mon) 幫手收拾襪子

丁丁呢排成日玩開關衣櫃門, 鍾意拎晒入面D野出黎, 開頭我地好自然咁執, 諗諗下唔對路, 應該要佢執返; 雖然只係13個月人仔, 原來都識聽架!


2013年11月17日 星期日

2013-11-17 (Sun) Yammy's Wedding

今日Yammy 大日子, 全家出動幫手我先可安心飲一餐, 加帶小丁丁上去影大合照, Yeah! 好耐冇試過咁relaxing咁食餐飯, 仲食左好長呢, 食到送客先走; 另一邊廂, 佢地帶左丁丁去荃灣食飯行街, good!

2013年11月16日 星期六

2013-11-16 (Sat) 活動教學

活動教學:

2013-11-16 (Sat) 好孩子要由做家務開始

好孩子要由做家務開始:


2013-11-16 (Sat) 青衣東北公園

今日陽光好好, 帶丁丁去青衣東北公園先, 我地第一次黎咋, 好大好大, 環境好好, 但比小BB玩既野唔多, 連韆鞦都唔係有個兜個隻; 加上兩個兒童遊樂場都好細, 好多大年紀的小朋友都係度又跑又跳又撞又捉迷藏咁, 有點危險, 可能要等閒日少D人黎好D.......值得一讚呢個公園有個好大既足球場, 仲有單車徑, 雖然唔係好關我事, 但係咁靚又近海邊既環境下有咁的設施, 唔錯! 今日好大懞, 唔記得拎三輪車, 冇得同丁丁周圍踩下!

2013年11月15日 星期五

2013-11-15 (Fri) 來自遠方的喜訊

來自遠方的喜訊, Congratssssssssss, my dearest TRACY!


2013-11-15 (Fri) Carter's 新衫空運到港

Carter's 新衫空運到港, 見九月尾訂的tee幾好著, 丁丁又唔多夠, 入多幾件, 靚呀! 我驚下年買時又冇呢D款, 會繼續買返同大套呢, 因為件件都好鍾意, 哈哈!

2013年11月14日 星期四

2013-11-14 (Thu) 丁丁睡相

嚇死人咩....訓到咁架....仲扶住欄杆, 哈哈!

2013-11-14 (Thu) 昊B家.再戰鯉魚門體育館playroom

上星期鯉魚門體育館playroom玩得唔夠喉, 今日再戰, 去前上埋Lois屋企同昊B玩一輪先; 昊B好多大型玩具呀, 丁丁好似去左個大樂園咁, 哈哈!

2013年11月13日 星期三

2013-11-13 (Wed) 活動教學

活動教學:

2013-11-13 (Wed) 大角咀體育館playroom

丁爸爸查到大角咀體育館playroom係全港所有體育館最大, 今日一於帶丁丁去試下; 大就係最大, 但設施好少, 麻麻地, 不過咁大地方比丁丁爬下行下, 佢已經好開心; 有個大型滑梯, 不過丁丁太細都未識玩, 我見其他小朋友都唔太玩; 所以呢度只係大, 無咩特別!

2013年11月12日 星期二

2013-11-12 (Tue) 飯聚@Mr. Steak

好耐冇見的飯聚@Mr. Steak, 多謝Ken Sir宴客, 欣賞Jimmy對朋友的信任與義不容辭的付出!

2013年11月11日 星期一

2013-11-11 (Mon) 咁係Strong?

丁丁係床度做左個倒U形烏低身動作, 仲要係腳趾咪起的, 我見到就講 "wah, so strong!"; 與此同時, 佢岩岩向後訓左落床; 咁就以為Strong係指向後訓低; 同我地係咁玩到癲左, 哈哈!



2013-11-11 (Mon) 男朋友仔家短聚

帶丁丁去左康咕家短聚:

2013年11月9日 星期六

2013-11-09 (Sat) 契爺契媽家BBQ

晚上去左契爺契媽家BBQ, 契爺買左好多靚野食, 牛扒大蝦生蠔, 食到我地lam lam 脷! 丁丁同Mocha & 呀妹都玩得好開心, 仲碰碰頭; 其實小朋友真係乜都唔驚, 係我地大人把口話驚呢樣驚個樣佢地先識, 雖然好難戒口, 我都盡量唔講, 亦唔會教佢驚驚, 同埋多D帶佢同小動物玩! 丁丁今晚仲好鍾意爬上天台條樓梯呢, 一上到頂又要求落過去再爬過上去, 攪笑!

2013-11-09 (Sat) 馬鞍山體育館playroom

今晚去呀仔西貢家, 入去前諗住帶丁丁去馬鞍山公園, 點知入到黎都天黑, 唯有改試馬鞍山體育館playroom; 呢度係好靚, 牆呀櫈呀都好colourful, 仲有個好cute的bb泊車標位, 但playroom太細; 比起赤柱/鯉魚門細一半! 暫時帶丁丁去左三個體育館playroom, 有機會再去多幾個先!




2013-11-09 (Sat) 陪丁爸爸PMH physio

PMH physio房真大, 可惜吖, 做左手術後成5星期先有期第一日做咋, 唔係出面自己做私家, 隻腳都唔知委縮成點.........

2013年11月8日 星期五

2013-11-08 (Fri) 趷蘿睡姿

趷蘿睡姿:

2013-11-08 (Fri) Santa DD is coming to town!

Santa DD is coming to town! 係表姐度拎左件聖誕衫, 試定頂帽先,為xmas做準備, 攪笑地丁丁戴左陣先取, 哈哈!

2013-11-08 (Fri) 聚賢軒晚飯雞煲.表姐家試櫈

表姐家有套比三歲以下小baby的檯櫈唔要, 我地諗住帶丁丁去試; 順道係中大食晚飯先, 一來時間又岩我放工又岩小朋友要早食飯, 二來大家又有機會試下中大的餐館, 三來又唔洗等位, 四來又抵食, 埋單五百有找! 可惜$492經理話$592, 比我發現左, 佢係咁唔好意思話唔舒服睇錯左.......唔知係咪講大話, 有點扣分.........

2013年11月7日 星期四

2013-11-07 (Thu) 打邊爐@力奇火鍋

多得丁婆婆睇住丁丁, 我+丁爸爸+丁呀姨可以出去同朋友仔打邊爐, 去左想試好多年既力奇火鍋! 冇帶丁丁先可以打邊爐, 同埋可以好放鬆咁慢慢食,真係投入到同同到佢地傾計, 唔係平時只係全程忙於餵丁丁睇住丁丁, miss 晒朋友講咩! 今晚都真不錯, 間唔中有一次咁都唔錯!

2013-11-07 (Thu) 青衣公園

今日下午放假, 帶丁丁去下青衣公園先; 呢度多人D, 玩鞦韆都要排下隊, 同埋較少比細B玩既野, 太大級/太高丁丁都爬唔到, 同埋污糟D, 迪欣湖真係乾淨新淨好多呀!


2013-11-06 (Wed) 孖辮仔

紮到孖辮仔啦~~


2013年11月6日 星期三

2013年11月5日 星期二

2013-11-05 (Tue) 丁呀姨公司搗亂

係鯉魚門返屋企經觀塘, 梗係接埋丁呀姨放工, 順便上佢公司搗亂啦!
 

2013-11-05 (Tue) 鯉魚門體育館playroom - 丁丁與昊B篇

特登整篇丁丁與昊B, 佢地今日實在太攪笑喇, 丁丁太熱情, 成日撲去昊B度, 昊B好驚咁, 見住佢一步一步咁退後, 但有時又肯扶下拖下丁丁,好似小情人咁!


2013-11-05 (Tue) 鯉魚門體育館playroom

今日約埋昊B去鯉魚門體育館playroom玩, 呢度好好玩呀, 同赤柱個差唔多, 勝在冇咩人, 好似包場咁; 可惜因為丁爸爸physio做耐左, 我地黎到已五點, 玩到五點半夠鐘清潔........我都唔夠喉啦, 所以約左下個星期再一齊黎!

丁丁玩得超開心, 成場飛咁, 反而昊B驚左佢啦, 哈哈! 因為呢個場有晒mat, 我都好放心比丁丁自由發揮, 連滑梯都由佢自己學玩, 點知佢第一下就已經比左驚喜我地, 咩都冇教佢,見佢一級一級用晒力咁上好攪笑,最正係落個下,竟然當落梳化咁翻轉身落,估佢唔到!  

2013-11-05 (Tue) Baby Kingdom removal sale

今日放下午, 車丁爸爸做physio, 順便去Baby Kingdom 掃下貨, 因為有removal sale全場七折! 仲買到想買比丁丁既杯仔, 之前係吉之島同一田只係睇到box set入面先有, 冇散賣, 係度見到即買!

2013年11月4日 星期一

2013-11-04 (Mon) 魔漫相機

魔漫相機 apps, 似唔似? 哈哈


2013-11-04 (Mon) 幫爸爸捽腳, 開心死爸爸!

幫爸爸捽腳, 仲係度叫爸爸爸爸, 反而唔肯叫我, 開心死丁爸爸!


2013-11-04 (Mon) 盜海狙擊.Late tea@米線陣

契爺話盜海狙擊好好睇, 今日再早放工同丁爸爸睇戲食飯先; 睇320pm場, 出黎仲食得切下午茶先返屋企, 返到去同平時收工差唔多, 咁就唔洗加重丁婆婆湊丁丁時間, 又可做到想做既野, 一舉兩得! 不過呢D機會真係極少, 唔係丁爸爸on SL都冇, 所以我都同佢講, 有咩戲想睇就趁呢段淨返唔係好多既日子做啦, 哈哈!

套戲真係好正, 好緊張, 推介!

2013年11月3日 星期日

2013-11-03 (Sun) 企鵝丁丁

天氣開始凍, 教練話要買件保暖衣; 著住保暖衣既丁丁,成隻企鵝咁! 呢件係大件D, 但已係最細, 頂住先! 我地應該上到十二月中就收爐, 下個summer先再游, 希望丁丁到時會繼續鍾意游水啦, 我擔心唔游幾個月會變得怕水呀! 

2013年11月2日 星期六

2013-11-02 (Sat) 肥姐眼鏡

肥姐眼鏡, 好爆笑! 佢唔除先攪笑~~

2013-11-02 (Sat) 迪欣湖放電

上完Montessori後, 明白陽光與公園的重要, 希望盡我所能, 一有時間就帶丁丁去戶外; 今日就去迪欣湖放電啦!

2013-11-02 (Sat) Playgroup @ 信實

信實係青衣入面既, 未必有人識, 係對面屋的小哥哥父母推介, 佢地話小哥哥返左好耐, 而個度D老師好有愛心好有耐性, 仲好好人咁拎左小冊士比我; 我見今個星期六唔識返工, 就帶丁丁去試下! 感覺幾好, rundown其實同一般playgroup差唔多, 有唱歌/story time/ toy time/手工/茶點; 最好係可以散堂, 唔洗迫我一個package咁join, 因為佢得一個時間, 就係星期六早上, 但我有時要返工, 仲要係一星期前先知, 咁呢度就幾岩我喇, 我知道下星期六唔洗返工先報; 其實我都係當比丁丁熟習下咩叫返學, 同埋同其他小朋友一齊去上堂咁!