手套當腳套, 哈哈!
2014年5月31日 星期六
2014年5月30日 星期五
2014-05-30 (Fri) Montessori@home: 拑波仔
丁媽媽發揮小宇宙, 試下Montessori@home: 拑波仔, 其實道具非常低能, 但正正係好好的小遊戲, 又可訓練三指, 又可訓練專注, 又可自己靜靜地玩等媽媽抖下氣, 難得丁丁好鍾意玩!
2014年5月29日 星期四
2014年5月28日 星期三
2014-05-28 (Wed) 過份淘寶
今朝比丁呀姨Xyz#^!@(&鬧爆左, 因為我同丁婆婆一次過淘寶太多........攪到丁呀姨比大陸同事xYs^%&(!#左.......係, 係我地唔岩.........
2014年5月27日 星期二
2014-05-27 (Tue) 丁爸爸休克兼爆江
今晚真係嚇個半死........我已經同丁丁熟睡中, 晚上十一點幾, 丁呀姨入黎叫醒我, 話丁爸爸跑完步返黎成面血............原來佢搭lift時休克暈低無知覺幾秒, 休克時撞親鼻爆江, 成面血.........叫佢去醫院又唔肯, 我話止唔到血一定要去, 點知攪左成粒鐘後, 又比佢止到, 唉.....嚇死我!
2014年5月25日 星期日
2014-05-25 (Sun) 中大和聲書院
一心帶丁婆婆入中大, 諗住試伍宜孫新開餐廳, 食完過隔離同丁丁食yogurt; 點知去到人影都冇隻, 個呀姐話少人應該改左唔開, 攪錯呀, 指示都冇張..........好在和聲書院Movenpick雪糕店有開咋, 即刻轉場, 丁丁好鍾意食ice cream啦, 跟住係好靚環境個花園玩陣, 又入下室內嘆下冷氣; 丁丁仲想跟D哥哥姐姐入閘去宿舍, 唔比又係度扭計........回程途中見到個小型遊樂場, 丁丁見到都手指指好興奮, 落車同佢玩陣啦, 不過都幾污糟, 應該十年都未必有人玩, 哈哈! 丁婆婆好好, 先抱住丁丁滑一次當清潔先比丁丁自己再玩!
2014年5月24日 星期六
2014年5月22日 星期四
2014-05-22 (Thu) 香港文化博物館 - 宮崎駿手稿展/兒童探知館
今日丁婆婆全日教會旅行, 本身上午我帶丁丁返學, 一於叫埋丁爸爸放下晏, 帶丁丁去香港文化博物館睇宮崎駿手稿展! 點知D手稿都幾悶, 丁丁戇居居咁, 入面又唔影得相, 係出面隻大波兒丁丁見到有點反應; 跟住排左成半個幾鐘影龍貓同波兒, 都有點晒時間, 加上丁爸爸影得好差, 攪到我好唔開心! 好在博物館入面有個好好玩的兒童探知館，丁丁玩到唔願走! 玩完飛行棋又捉象棋，成個場丁丁包晒! 丁丁話：都唔明啲大人係出面排晒隊影相為乜？呢度好玩好多!
2014-05-22 (Thu) Family tree @ ICS
今日學校整Family tree, 丁丁唔知媽媽早幾堂已晒好相比老師, 當佢見到好熟悉的屋企人時, 好興奮呢! 仲成日指住公公, 唔知點解, 雖然丁丁唔係成日見公公, 但一提公公, 佢都會笑既呢!
2014年5月21日 星期三
2014年5月20日 星期二
訂閱：
文章 (Atom)