今晚返part-time一早預左會超時，所以朋友們約碌齡，都叫左佢地唔好開我game，最後竟然做到午夜十二點幾先放工呀，真係冇諗過！由於太忙同唔夠人手（已經有五個人架啦），Elsa係尖沙咀centre十點close左後都過埋黎銅鑼灣centre幫手！
Elsa非常攪笑，一到十二點，竟然同大家講：喂，有冇人生日呀，祝您生日快樂先！真係攪笑，我仲話sms都唔夠您快啦！哈哈！我仲叫佢應該企起身，唱首國歌比大家聽慶祝回歸先係架麻！哈哈！
同Elsa一齊開夜，有如以前係中大add drop 的日子，好回味，所以我地忙得黎都好開心，時間亦過得好快，加上我地合作無間，我地仲係帶住歡笑聲咁完成今晚既工作呢！
係中大開夜，一放工係荒山野嶺；但係銅鑼灣，開夜都唔同ｄ，一放工係鬧市地帶，心情都靚ｄ，哈哈！
為左慶祝我地OT到迎接七一的來臨，Elsa亦係我今年七一第一位見既人，我提議一齊係午夜的銅鑼灣影返張相留念！
仲有銅鑼灣地鐵站入口：
2008年的七一，我永遠都唔會忘記！
