2008年6月6日 星期五

2008-06-06 (Fri) 22個月紀念日


今日係跟太陽哥哥的22個月紀念日,一踏入六號的十二點,我比左個驚喜佢!


話說克勤演唱會的dvd終於出左,尋日夜晚係旺角已經見到,但未賣得住,今日先公開發售;但奈何我要返part-time,點算呢?多得好姊妹elsa幫手,佢早過我放工,幫我係銅鑼灣買到,再係part-time返工時交比我!


一切黎得都好急,所以只用左學校的顏色紙做花紙,嘻嘻~~



原本諗住放係部電腦上面架,但太陽哥哥一路係廳度睇緊報紙,我就吼佢唔覺意時,經過放左係檯面,睇報紙睇到入晒神既佢當然冇發現,跟住... 








佢好開心呀,仲一路唔知我set左機偷怕,係咁問我點買到!睇黎今次好成功,不過真係要多謝elsa呢位功臣!






不過原來我都有禮物呀,太陽哥哥見我咁早送佢又送埋比我先,係我最近試用的香水,我只買左香水版size試,用左覺得鐘意,太陽哥哥就買左支original size比我啦!



由於前日已食buffet慶祝,今晚我地只係行下街同食餐普通飯算啦;不過好大雨,邊度都唔想行呀!太陽哥哥聽日亦要楂車,要早d返屋企休息呢!



沒有留言:

張貼留言