2008年6月17日 星期二

2008-06-17 (Tue) 非常有創意的一個婚宴


同事分享左一個好有創意的婚宴,我睇完都覺得好有心思!一對新人為左令來賓有新鮮感,付出左好多心血去製作左好幾個攪笑短片/仿廣告:




Matrix & 蜘蛛俠:我好鐘意呢part,尤其是蜘蛛俠,好攪笑!




 

認識片段佢地製作左個來夜方長MV,自己唱埋,我覺得幾攪笑,不過需要好多勇氣;其實宜家都有個服務,幫一對新人的愛情故事編成一首歌,係一首真正屬於佢地兩個人既歌,再拍成MV,新人有膽量的話,亦可上埋studio錄歌...不過呢個服務大約要兩萬蚊,都幾貴架!如果重意義不重質,可參考呢對新人,佢地冇講究靚景靚衫,但有種攪笑成份,又可娛人,又可慳返好多錢呢!




連歌舞表演都有埋,佢地仲係好認真咁以前book場排舞練舞,呢個婚宴真係好勁!不過我個人覺得,擺酒地點就差左d,未必人人接受到;但見到呢對新人真係為個婚宴落左好多心機,呢份心意真係好值得鼓掌!





book場排舞練舞:



呢個婚宴吸人我既唔係新人既靚靚婚紗照,亦冇好grand既擺酒場地;而係新人對婚宴的個份熱誠,我諗,係佢地心目中,攪一個對佢地同來賓黎講,一場難忘的婚宴比起時下形式化的婚宴更為重要,佢地唔會落本係自己身上,好似婚妙相咁;但會將budget放係其他令人難忘的地方度;呢樣野真係唔係個個人都做得到,結婚當然諗自己先,要自己最靚最正,所以我好佩服呢對新人呀!而佢地d製作真係好得,成個班底都係自己人,真係好羨慕呀,唔知係咪讀開電影話劇的一班同學黎既呢?好正呀!


我都希望自己的婚宴可以好難忘,但奈何自己係個極懶既人,又沒有製作方面的資質,亦唔係有錢人家下下可比錢叫人攪掂,我諗呢方面我只能羨慕一下罷了!



沒有留言:

張貼留言