2016-09-16 (Fri) 赤柱聖士提反灣

紅日假期難得丁爸放假, 去海灘! 難得Ethan哥哥即約即到, 開心玩左一日, 仲一齊食晚飯添!

2016-07-09 (Sat) 澗中尋樂

『水』真是最能親近孩子的大自然之泉!

2016-06-18 (Sat) 深水灣

HDD又一齊去深水灣玩啦！

2016-05-24 (Tue) 深水灣

今日約左同學仔去沙灘玩, 帶定泳衣諗住陪丁丁落水嗰個係我, 點知姐姐率先同丁丁落左水, 仲玩得超開心, 我最後梗係唔係濕身, 有呢個姐姐真好, 不過就一張相都冇同呀囡影過!

2015-10-03 (Sat) 三號風球下的親子獨木丹 by Tony Gor Gor

由起身到出發時都一直一號風球, 六個家庭兩個縮沙, 出發後變三號, 無懼只因信賴經驗豐富的Tony哥哥, 事實真係冇問題, 全程風平浪靜, 唔洗烈日下曬住划仲正, 丁丁仲未如其他哥哥姐姐般有興致在大石上爬上爬落, 比D時間佢啦, 佢仍好enjoy自己同水玩兼唱歌娛樂其他家長, 一D都唔似平時人面前怕醜既佢; 回程時開始有浪, 去到更衣室沖涼先開始落雨, 真係好運氣!

 親子獨木舟（早上時段）活動備忘及注意事項

集合及解散時間
09:00 西貢海濱公園集合
13:00 沙下水上活動中心解散

以下是行程安排:

09:00 西貢海濱公園集合（附近是巴士總站、火山探知館及洗手間）
－集合前請換上適合下水衣物

09:10 起步前往沙下水上活動中心
09:25 抵達水上活動中心
09:30-09:50 熱身運動及泛舟技巧介紹 （把不用放上船的物品如毛巾、後備衣物寄存在租艇處）
10:00 下水
10:30 抵達羊洲沙灘（適合野餐及嬉水）
10:30－11:15 羊洲
12:00 抵達大網仔紅樹林
12:00-12:45 濕地探索
13:00 回到水上活動中心並解散（緊記取回寄存的物品）

2015-06-06 (Sat) 掘蜆@大嶼山水口

今次係第二次黎, 第一次係2012年, 丁丁都未出世, 我仲大住個肚; 宜家丁丁識行識走, 梗係要帶佢試下啦! 今日係三個1004朋友仔一齊玩, 大家都係女仔, 不過丁丁好似鍾意自得其樂多過同人一齊玩, 哈哈! 我地亦掘到大約十隻大蜆, 拎返屋企煮!

2015-05-03 (Sun) 深水灣沙灘

尋日天氣唔好去唔到沙灘, 今日要去啦!

2015-04-07 (Tue) Stanley beach & Kln city Thai dinner

假期最後一日, EE & Jacky 哥哥都放假, 我地一齊去赤柱沙灘玩, 行街, 食雪糕, 再去九龍城食媽媽最鍾意的泰菜!

2015-04-04 (Sat) Egg hunting@ Discovery Bay

今日除左慶復活節外，仲有慶兒童節，兼1004 BB們的2.5歳正日，好好好開心的一天！

2014-08-21 (Thu) 石澳遊

今日開心放假一天, 上午丁丁返學, 下午約了肥婆婆同大細叔叔一齊去石澳, 之後同埋放工的丁爸爸去食飯, 非常開心的一天!

2014-05-01 (Thu) 西徑村會海星

跟住去左契爺契媽住的西徑村會海星, 因為都成四點, 潮退得好犀利, 我地行到好出先有水, 而淺水的地方亦好大範圍,唔怕丁丁被大淹親, 哈哈! 呢度超多海生呀, 佢地通常一對對曐住, 唔知係咪交配中? 但有冇咁多呀....加上海星好似係單性繁殖, 我都唔太清楚, 總之就好多好多! 但呢度嚴格黎講唔係一個沙灘, 只係一個海邊/一個灘, 冇沖水設施, 好在我地可以去契爺契媽度沖涼, 如果唔係就唔太適合細BB黎, 唔係玩到成日泥同濕, 冇水沖身都唔好啦!

丁丁就當然玩得開心, 佢第一次接觸海星, 冇咩感覺, 又冇話驚, 亦冇話好鍾意掂, 佢最鍾意只係玩水, 去到深少少我地都由佢被水淹到肚臍位, 佢好開心係度玩水呢!

之後返契爺契媽度沖涼, 同兩隻小狗玩,丁丁又係唔怕, 同狗仔一齊相處, 一齊坐地, 仲差D跟住狗仔捐入個圍欄入面, 真係好好笑!

晚飯時間 去了大圍, 諗住食新斗記, 點知冇位, 就去返顯徑打冷, 順便叫埋丁爺嫲一齊落黎食, 呢個五一假期真充實!

2014-04-19 (Sat) Gold Coast Beach

復活假期第二天, 戶外活動揀左去海灘, 約埋Kim一家三豆丁, 加埋同丁丁同日生的孖囝, 一共六個小朋友! 今日丁丁仲唔驚比沙埋, 係咪要我地同佢玩埋住雙腳跟住legs up, 攪笑! 可惜呢個沙灘D沙好粗, 加上更衣室情況惡劣, 出水打落個身係超痛的, 小朋友點沖到身呢? 我唔會再黎了, 唔適合丁丁............

2014-04-10 (Thu) 丁呀姨生日@石澳遊。Dinner@囍點

今日丁呀姨正日生日, 我同佢請左半日假, 黎個石澳遊, 又可同丁丁去沙灘! 閒日好正呀, 冇人, 天氣又好! 呢度d沙好靚, 踩落去舒服, 岩BB黎, d水又清, 淺水地方好長, 放心丁丁自己行/跑, 總之就係正! 丁丁又失控, 仲唔肯離開, 要抱佢走...........最攪笑係丁婆婆話我本身比丁丁的玩沙工具咁少，慌死個孫唔夠玩，衝去沙灘士多買左好多返黎, 我個車尾箱宜家放滿晒玩沙工具, 哈哈!

2014-04-05 (Sat) 清水灣。泰旺晚飯

難得出太陽的假期, 帶丁丁去海灘, 佢超興奮, 見到大海失晒控, 係咁衝呀衝! 嚴格黎講, 今次係第一次真係坐低係海灘玩沙玩水, 上年帶丁丁去海灘佢都未識行, 只係放佢係沙/水玩下, 估唔到佢都OK冇怕沙!  夏天快d到啦, 太陽多d放假出黎啦, 我一定帶丁丁喪去沙灘! 

之後去左西貢泰旺食泰菜, 今日大人細路都勁開心, 好滿足的一天!

2013-05-19 (Sun) Ding Baba happy birthday celebration

今日丁爸爸生日, 難得的假期及忙碌的一天展開!  我地去左丁媽媽至愛的赤柱, 一心想帶丁丁踏沙同踢水; 之前都諗可能遲左比丁丁試, 怕佢唔制, 點知我諗佢太奀皮啦, 一d都唔驚, 好好奇好開心! 係沙灘幫baby 清潔真係難攪, 宜家都冇露天沖洗區, 得媽媽抱住丁丁入去更衣室好難攪呀! 暈~~~ 玩完都六七點, 好肚餓, 去左每次都會經過的藍色餐廳 the boathouse, 今日有借口入去試下, 唔錯呀, 只係丁丁太曳, 唔肯自己坐要人抱, 攪到都冇餐安樂飯食!  食完野天都黑晒, 鋪頭都關晒, 今日冇時間行街呀, 只怪入赤柱前去左baby expo用左d 時間啦; 但冇辦法, 今日係最後一日, 要去買張靚靚comflor playmat比丁丁用, 唯有下次再黎shopping!