2014年11月30日 星期日

2014-11-30 (Sun) Dinner@Peace Square

游完水丁丁話要食窩夫, 話要坐梳化, 佢記得呢間餐廳啦!  之後去IKEA, 買上星期睇中的high chair 比丁丁!


2014-11-30 (Sun) Swimming Class #65

倒數第三堂, 今堂丁丁連試都唔試做diving stick, 係咁話驚, 淺水就冇問題, 可能比上一堂嚇親有陰影; 今日派cert啦, teacher Karen真係好好, 希望三月可報返佢教的班!

2014-11-30 (Sun) 爸爸也變師奶了

爸爸也變師奶了, 加入八達通日日賞, 哈哈!

2014-11-30 (Sun) 家中練習diving stick

上堂做唔到, 係家中多練習係好事, 哈哈! diving stick~~


2014年11月29日 星期六

2014-11-29 (Sat) BBQ@契爺媽家

好耐冇帶丁丁同Mocha & 呀妹玩啦, 又約去契爺媽家先,留留長加埋呢個天氣最好BBQ; 邵爺嫲都黎, 我地都帶埋丁嫲嫲去, 仲有呀仔叔叔同杏兒姐姐; 杏兒姐姐原來小二啦, 佢好錫丁丁, 好識照顧佢, 又好鍾意同佢玩, 等我今晚都幾放心!


2014-11-29 (Sat) 努力向上爬爬爬

係婆婆話我知先知, 丁丁玩到呢個"彈弓"啦, 見到丁丁努力向上爬爬爬, 覺得佢又大個女啦!

2014年11月28日 星期五

2014年11月25日 星期二

2014年11月23日 星期日

2014-11-23 (Sun) 放電@IKEA

想換張唔困住的highchair比丁丁, 去IKEA行下兼放電, 丁丁回程一上車就訓著, keep到同平時九點幾差唔多訓著的時間!

2014-11-23 (Sun) 全智賢=媽媽

我明白, 呢個只會係對我一個人而然的開心笑話, 對其他人, 一定會滴汗兼O咀........冇錯, 笑話係, 丁丁其實每次見到全智賢, 都會叫媽媽媽媽, 萬試萬靈, 哈哈 哈哈 哈哈!



2014-11-23 (Sun) Dinner@Peace Square

游完水唔想再食中菜了, 亦想訓練丁丁食多D野, 等我地多D選擇; 第二次來Peace Square, 好在仲有張梳化位, 呢個環境, 其實係張梳化至岩, 好適合丁丁! 咁岩呢度有all day breakfast, 粟米蛋菇都好岩丁丁食, 而丁丁仲勁鍾意食個窩夫, 食完自己個件仲伸手拎埋我個件, 哈哈! 最後都係訓練唔到丁丁, 佢唔食我個主菜鵝肝意大利飯; 唔記得影, 偷返上次張相, 但上次係磨菇而唔係鵝肝, 今次至正! 甜品又唔記得影........

2014-11-23 (Sun) Swimming Class #64

收爐前倒數四堂, 去完OP睇企鵝游水後, 丁丁今堂潛入水多左好多, 我係咁叫佢penguin DD, 哈哈; 最尾試diving stick失敗左, 希望收爐前做得到啦!

2014年11月22日 星期六

2014-11-22 (Sat) Carter's 秋冬春夏裝

明明九月買左好多, 十一月又入多兩轉, 冇計, 好平, 魅力沒法擋, 其實呢轉係入下睡衣同抓毛褲啫!


2014-11-22 (Sat) 食糖水

食糖水:


2014-11-22 (Sat) Xmas deco@新都會廣場

丁丁真係好鍾意呢架電單車, 上星期玩過今日仲記得!

2014-11-22 (Sat) Ocean Park

爸爸得閒, 又入去玩一轉先;  上山睇企鵝順便坐cable car 兩次, 跟住威威天地玩到天黑; 夠鐘叫丁丁睇show又掛住sir滑梯, 遲左十五分鐘, 跟住睇得十五分鐘, 唔夠喉, 係咁話要睇睇睇.....D人走晒都係要話睇......講左好耐先肯走, 但走時個樣唔開心囉.....



2014年11月21日 星期五

2014-11-21 (Fri) 睡夢中被摷胸

飲人奶長時間關係, 丁丁對媽媽胸脯係有情意結的, 媽媽經常睡夢中被摷胸.....


2014年11月20日 星期四

2014-11-20 (Thu) 打邊爐

今晚一家人出去打邊爐!

2014-11-20 (Thu) Art@Home - sticker time

手工未返貨, 貼貼紙啦!

2014-11-20 (Thu) 小巴士遊花園@ICS

今個月主題係交通工具, 大班會利用紙箱, 造左好多小巴士小船比細班玩, 真係好得意! 今日circle time時間就每人一小巴士遊花園, 每個小朋友都玩得勁興奮, 唔想放學, 哈哈! 最窩心係收到丁丁親手造的手鍊比媽媽, 係收過最珍貴的, 爸爸個D就算貴野都比打入冷宮了!




2014年11月17日 星期一

2014年11月15日 星期六

2014-11-15 (Sat) 試新靴仔

睇完燈飾返黎異常興奮, 同媽媽兩個人玩到十一二點, 試埋新靴仔!


2014-11-15 (Sat) 睇聖誕燈飾

睇聖誕燈飾, 不過丁丁呆呆地; 因為中午面試後只訓左45 min 晏覺, 下午又帶左佢去洗車放電; 跟住屋企六點食飯, 七點三開車, 未夠3 分鐘就訓著左; 去到八點幾叫醒佢, 佢好愕然咁多燈係頭頂, 但個人都好呆, 哈哈! 回程返屋企程車就醒晒, 係車度開籠雀咁, 返到屋企好HYPER, 攪到成十二點先訓......

2014-11-15 (Sat) Montessori@home: 幫手洗車

下午放電最佳選擇 - 洗車, 今日同的士司機叔叔相映成趣!

2014-11-15 (Sat) 香港教育學院滙豐幼兒發展中心面試

繼九龍塘啟思, 香港教育學院滙豐幼兒發展中心係媽媽另一非常心儀的幼稚園, 所以唔理住邊係邊, 我都報左先; 佢地個套好似丁丁宜家學校咁, 雖不是Montessorri, 但都係唔寫字, 重小肌肉訓練如穿珠貼紙, 講主動探索, 重戶外活動等......真係好想入到; 可惜全日班己滿, 三百幾申請入面, 上午下午班各只得15個位; 丁丁其實表現好好, 因沒有in 佢, 只係in 父母; 丁丁玩時只觀察, 好岩! 可惜我地被in經驗少, 我自問答得唔好, 我都好自責, 好似累了丁丁咁, 我覺得答多次一定好好多, 但世事邊有咁多如果......

2014年11月14日 星期五

2014-11-14 (Fri) 夜闖九龍城食甜品@甜舍

夜闖九龍城食甜品? 係呀, 九點幾去到, 因為明天丁丁面試十一點, 正是她午飯+午睡時間, 面試信仲話一小時四十五分鐘, 佢實捱唔住, 唔想影響佢表現, 唯有試將佢時間表向後吞兩三個鐘, 希望今晚十一二點訓, 九點起身.......

2014-11-14 (Fri) 浴盤中暢泳

浴盤中暢泳:

2014年11月13日 星期四

2014年11月12日 星期三

2014-11-12 (Wed) Art@Home - 紙袋青蛙

想杜絕丁丁睇電視玩電話,就要係屋企比好多野佢做, 有時真係諗爆頭,之前買定好多手工, 拎出黎玩下先; 有搣有貼, 幾好喎!

2014年11月11日 星期二

2014-11-11 (Tue) 髮型屋童工

髮型屋童工~~諗住呢度咁多野玩可以玩到個半鐘, 都係唔work, 丁丁搵媽媽喊到訓著......





2014-11-11 (Tue) 單身男女2

上星期偷走去睇戲時見到單身男女2呢個星期上,想睇! 不過今晚冇偷走, 唔想丁丁扎醒唔見媽媽喊; 就岩EE去整頭髮, 時間fit晒我睇735pm場兩個鍾! 睇完接丁丁,佢已經喊到訓著左了......唉, 等佢訓左先去睇戲又唔得, 未訓睇早D又唔得,清醒唔清醒都搵媽媽..........


2014年11月8日 星期六

2014-11-08 (Sat) 丁丁@Frozen

上玲玲姐姐屋企打邊爐, 著左玲玲姐姐件Frozen公主衫!


2014-11-08 (Sat) 小西灣體育館playroom

今日上玲玲姐姐屋企打邊爐, 上去前帶了丁丁試玩小西灣體育館 playroom, 佢玩得好開心呀!


2014-11-08 (Sat) 青衣啟思面試

今日兩點青衣啟思面試, 啟思係青衣入面我最喜歡的, 因為應該係最開心的學校了; 活動教學外, 有自己的戶外花園, 真係好難搵到有室外花園的幼稚園; 感覺一半機會收, 同老師岩岩地咀型, 繼田家炳感覺一定收外, 得呢間了!

2014年11月7日 星期五

2014-11-07 (Fri) 史上最細條姊妹裙

今晚丁丁見EE試姊妹裙, 公主細胞又爆發, 係咁扯住話丁丁著; 驚佢扯爛EE條姊妹裙, 醒起去澳洲做伴娘時的裙, 即刻比丁丁著, 摺短左個型仲完整, 好攪笑, 應該係史上最細條的姊妹裙了!



2014年11月6日 星期四

2014-11-06 (Thu) 親親爸爸

親親爸爸, 爸爸放工咁開心!

2014-11-06 (Thu) 麵包機crossover光波爐 - 腸仔包

婆婆作品-麵包機crossover光波爐,雙劍合壁下的腸仔包:


2014-11-06 (Thu) 超靚聖誕郵票

超靚聖誕郵票呀, 係我見過最靚的; 雖然尋日出, 好在今日仲買得切, 多得任美發現話我知!

2014-11-06 (Thu) 放自製船仔@ICS

今日係課室整自製船仔, 跟住circle time到花園放; 其實真係好鍾意呢間學校, 安排好多有意義既工作比小朋友做, 由冇到有, 比小朋友經常參與過程!

2014年11月5日 星期三

2014-11-05 (Wed) 偷走睇一個人的武林

丁丁明天返學, 八點三訓左, 咁難得, 同丁爸爸偷走去睇一個人的武林; 點知丁丁十點三度醒左搵媽媽, 姐姐抱住佢訓到我地返黎, 自責.....下次不能再揀丁丁返學前一晚偷走了!


2014-11-05 (Wed) 餵魚

婆婆帶丁丁去餵魚:


2014年11月1日 星期六

2014-11-01 (Sat) 三個面試後的Ocean Park旅程

今日丁爸爸冇返工, 因要陪丁丁個三個面試, 聖多黙->九龍塘啟思->田家炳; 丁丁唔肯講野呀, 其實都預左, 但可能去完九龍塘啟思, 環境我自己都好鍾意, 更想入到呀; 感覺田家炳實收, 但又唔係心儀......可能真係要比丁丁係ICS多一年先, 未嘗唔係好事!  三點入場Ocean Park, 陪丁丁玩下開心一下, 特登帶佢上山睇海洋劇場表演, 但真係廢左好多, 全無驚喜; 唯一得著係試到丁丁好鍾意坐cable car, 但下山排晒長龍唔搭了; 坐ocean express趕去威威天地, 都係呢度丁丁最鍾意, 坐蟲蟲車坐到好多次都唔厭!