上個月去泰國旅行時咪買左兩隻假蜥蝪既，試過係屋企夾埋琪琪嚇威哥，點知非常成勁，原來當隻假蜥蝪黐係牆度時像真度係咁高既，最衰冇拍低movie比大家睇下牛高馬大既威哥咩反映啦，唔係實笑爆咀姐！
我照版煮碗，今次夾埋太陽哥哥整蠱太陽媽媽同太陽爸爸：
太陽媽媽好驚呀，其實佢都好勇，開頭夠膽去"撩"走隻蜥蝪，只係太陽哥哥執起派落佢度時嚇到佢好驚啫；不過真係厄得下人，太陽媽媽仲以為隻蜥蝪疆左已經死左，到跌落黎時仲唔發現係假既，到太陽哥哥講佢知係假時佢仲唔太相信，仲話識黐係牆度喎．．．
不過玩完仲有段小插曲，過左一陣後，我地諗住去收屍啦，點知發覺隻蜥蝪唔係地下度既，唔見左？跟住就聽到太陽爸爸沖廁喎，我當時好驚呀，佢唔係沖左落廁所丫麻？．．．不過，如果大家有好細心咁睇段短片就會知道答案．．．係movie最後，好清楚見到太陽爸爸係廁所度拎住紙巾行出黎，踎底，跟住執左隻蜥蝪！
原來佢只係丟左落垃圾桶度，當時我地掛住笑同玩，focus放左係太陽媽媽度，冇留意太陽爸爸的一舉一動；好在佢只係丟左落垃圾桶而唔係沖左落廁所咋，唔係的話，我實喊都似啫．．．嘻嘻~~
不過太陽爸爸知道係假蜥蝪後，都用紙巾包住佢丟落垃圾桶度，好似當佢係真蜥蝪死左咁處理，呢個舉動又真係好攪笑喎！
總括黎講，今次呢個整蠱行動係非常成功既！
沒有留言:
張貼留言