2009-02-08 (Sun) 生日慶祝 & 屋企開年飯

今日班長同安民同我做生日，上個月已約我了，班長永遠都咁有我心，感動!!

佢地話好耐冇睇戲啦，雖然我有好多戲都睇左，好在都仲有套係大家都想睇但未睇既，就係３Ｄ版超級零零狗，咁岩旺角又仲有得做，所以我地決定係新世紀食飯慶祝加睇戲！

先去我一向都鐘愛的POKKA CAFE，但安民怕醜冇上鏡，嘻嘻~~

食物近鏡，三個MAIN COURSE加個甜品：

醫完肚就去睇戲啦，呢次係我地第一次一齊睇３Ｄ戲呢！

 

 

 

 

 

 

套戲超好睇呀！好似開心過同緊張過波兒呢！但兩套卡通我都鍾意，打和啦！我真係幾鐘意睇３Ｄ戲，嘻嘻~~ 我覺得劉玉翠係配得最好既一個呢，佢配的貓貓真係超盞鬼，ｄ對白又好好笑喎！最鐘意係貓貓以為零零狗同犀牛都係short個段最爆笑，零零狗同犀牛成日迫貓貓做ｄ癲野，好似跳火車呀、撞牆呀咁，所以我睇到又好笑又緊張，勁好睇！

班長同安民請晒我食飯睇戲，我冇諗住連睇戲佢地都請埋呀，真係勁唔好意思，但又好開心佢地咁錫我呢個老朋友！

夜晚兩家人一齊食開年飯，太陽媽媽未去旅行時已約定我媽咪，呢頭年廿八先過完節，呢頭又開年，ｄ大人最鍾意攪呢味野！

威哥又唔肯上鏡．．．

最後都肯影但又唔正經，要show個被迫樣喎！

我地食左泉章居最出名既鹽焗雞，其次係梅菜扣肉同炸鮮奶等等！

呢餐唔太抵食，冇左太陽大哥哥同佢女朋友仲要貴過上次的金潮；所以話金潮的確係好味又抵食，不過等個下都冇得訂位真係好有問題！