今日係母親節正日，繼尋晚的鮮花攻勢後，我吼媽咪訓左覺亦佈置好她的床頭，等佢今朝一起身見到．．．
我地三個都一人一格寫左野比媽咪，威哥仲畫左隻公仔添，佢地個ｄ唔post出黎喇，我個段就冇所謂啦！
係咪好冧呢？
母親節點都要食餐飯既，其實我地的慶祝活動已定左搵日去九龍酒店食自助餐，約埋爸爸慶祝父親節，即係母親節同父親節一齊慶祝，因為爸爸五月尾會返泰國一個月；可惜日期改完又改，又要就媽咪的keep fit schedule，又要就爸爸唔洗帶團的時間，又要就我唔洗返part time，又要就細妹唔洗做運動，又要就威哥唔洗打壁球．．．em．．．唯有再約．．．
今日正日，媽咪一早同我講左唔洗陪佢食野架啦，叫我同太陽媽媽食；但我咁錫佢，雖然佢又on diet，但都可以揀黎食架麻，所以我一早約佢去馬泰食下午茶，因為佢鍾意食個度個木瓜沙律！無錯呀，上星期先去完，今日又去啦！靈機一動，我今朝仲問埋太陽媽媽去唔去添，其實怕佢怕醜啫，但其實宜家大家都認識晒，一齊慶祝一齊開心咪仲好！點知．．．佢真係黎呀！
連埋琪琪同威哥六個人，我地叫左兩個海南雞飯，兩個拼盤，一個豬頸肉配木瓜沙律，一個牛肉河粉！因為怕醜所以冇影到相，點知琪琪仲怕醜怕到連夾野食都唔敢，細細聲叫媽咪同威哥幫佢夾，真係笑死人呀！
跟住就分道揚鑣，我同太陽哥哥去行街，琪琪同媽咪行街，太陽媽媽就返去買餸先，因為今晚我地有海鮮餐食！
我發覺太陽爸爸其實好鍾意影相，見我影ｄ餸就叫我幫佢同太陽哥哥影張，影完仲主動幫我地影埋添！
