今日比左個驚喜生日派對比明記，我咁大個都係第一次係M記攪party，雖然我唔係主角，但呢個回憶好難忘好特別！最最最好玩係臨時諗出黎既冚棉枱遊戲：冚棉枱大家就玩得多啦，有冇試過先放包M記甜酸醬／BBQ醬係枱面先冚呢？即係最快冚落去個個要就住曲住隻手，唔好整爆包醬，不過就算做到，都好難倖免，因為係唔夠一秒之間，上面仲有十幾隻毫不留情既殘酷之手冚落黎，壓力之大足以拍扁您隻手兼迫爆包醬，仲要係上面狂ug狂捽．．．咁冚得最慢個個又點？就係同冚得最快個隻手握手啦！呢個懲罰係我諗出黎架，多人“賴”野先開心麻，哈哈！真係冚得快又唔係，冚得慢又死！我仲要唔抺手繼續玩第二舖，哈哈哈，死未！好好玩，好刺激，仲玩到好嘈，全場都望住我地，幾型！哈哈！（好可惜．．．忘記了影相．．．）
沒有留言:
張貼留言