威哥上星期去camp時挍柴，兩隻腳都受左傷，負傷回家．．．跟住由星期五開始，連續睇左三日跌打，醫師話好轉後可隔日或者再疏ｄ去覆診；其實呢個醫師，係威哥突破班朋友介紹架，佢被形容為"隱世神醫"，因為佢冇牌，但又醫人好勁；威哥同媽咪就決定去試一試，不過衰在就無得claim保險喇！
weekend我見得閒，都跟左威哥同媽咪去左一次，見識下呢位隱世神醫；診金雖然二百元一次，唔算平亦唔算貴，但見識完成個過程後，我反而覺得抵！因為醫師足足幫威哥按足一個鐘，親自上場，下下有力，下下到肉，絕無花巧，我見醫師自己都按到出汗！
另外，醫師都好專業咁，每做完一部份，都叫威哥做返一ｄ動作，觀察下邊部份未按得夠、睇下受傷有冇好轉、又或者睇下威哥仲有咩其他問題咁！
呢部份好好笑，醫師叫威哥踎低，睇下佢對腳用力到咩地步，點知威哥又唔夠力，成日訓左落地，最後醫師叫威哥抓住張櫈借力，好爆笑！
其實只係對腳挍柴受傷，但醫師話威哥整個人成條筋其實已傷左，所以威哥係全身全腳咁睇同埋按，咁樣變相好似好物超所值咁！最重要係，威哥敷左兩劑已經覺得好左好多，頭個兩日係行唔到要搭的士，第三日已經可以搭巴士＋行路啦，睇黎呢位醫師係堅掂！
一掂到ｄ敏感部位，威哥就係度狂忍笑！哈哈～～
最後敷上呢兜勁似屎既藥．．．
另外，今日放工約左人睇洗衣機，真係唔該晒Monica既盡心盡力幫忙，真係好熱心，攪到我勁唔好意思
即刻洗左機香噴噴既衫，Yeah～～
用埋同諾諾一樣味道既chicco BB 柔順劑，好香呀～～
沒有留言:
張貼留言