今日我地又同諾諾約會啦，呢個約會係上星期五同諾諾飲完茶時，媽咪約實既！呢排次次約好個日都會落雨，好似上星期五，原本諗住去赤柱架，因為落雨先改做飲茶；今日都想去ｄ戶外地方，點知又落雨，唯有去ｄ室內地方啦！
我地先去megabox飲茶，megabox我好少去架，因為好僻，仲要等專車，我最憎等車；其實莫講話megabox，我連觀塘區都唔鍾意去架，太遠啦！megabox 之前黎過兩三次，但都唔知呢度有個咁colorful既童真天地呢！
隻長頸鹿好巨呀，諾諾係咁raff raff咁叫，我地就抱佢上去坐，難得佢又唔驚，平時好細膽架麻！
咁辛苦上到去，梗係影多幾張相啦！
仲有好巨既象呢！
我地去左御苑皇宴飲茶，好抵食呀，星期六全日飲茶，所有點心半價呢！其實呢度我同太陽哥哥上年黎過，不過唔係食野，而係黎睇場；呢個場其實幾grand幾靚架，個backdrop仲可搖控轉換中西式，齋講個場，都係我地心水攪結婚既地方；可惜地點係唔方便的megabox，同埋我記得個新娘房好細，所以放棄左！
睇下諾諾同緊後面個baby玩呀，唔知佢地係咪真係同類，所以易ｄ溝通，個baby一聽到諾諾講野，原本伏起媽咪膊頭度都趷起頭，手腳仲撐下撐下係度笑添！
諾諾講電話講到好肉緊呀～～
認唔認得未有諾諾時既媽媽呢？
飲完茶我地就行下街，先去megakids度玩陣先～～
有攝石人攝入，影多張先～～
之後去左攞獎廁所同諾諾換片～～
估下諾諾係度對我做咩？呢幾張就係．．．扭抱連環圖喇～～
諾諾會突然走過黎攬住您對腳，昂高頭望住您講：抱抱～～
我覺得好sweet架，仲好冧呢！
我地去左SPOTLIGHT行街，媽咪話聽人講呢度有knitting野賣，未黎過就黎睇下啦！諾諾仲自己shopping，揀岩就拎走～～
呢度有個party corner，我都大開眼界，希望wedding banquet要既野係度幫到我！sales姐姐好鍾意諾諾，原來諾諾上年十月一歲生日會既氣球，就係係度買架啦！個ｄ姐姐仲認得諾諾，送左個哈哈笑氣球比諾諾呢！
呢頂紙帽仔幾得意喎，諾諾戴起有ｄ似女仔呢！
迪迪尼城堡～～宜家好熱，去唔到真既迪迪尼，過埋summer啦，我已經決定會同諾諾一家一齊整張annual pass！
諾諾郁身郁世指住上面，原來學緊史迪仔跳舞呀！(註: 冇指上天既左手, 食指都係指左出黎架, 好攪笑!!)
諾諾與波波～～今日諾諾好開心頂啦，擺左好多甫士呢！
諾諾與舅婆：
諾諾與恩恩：
表情多多，包括倒及牙＋奸笑：
跟住我叫諾諾give me a kiss．．．
諗住揩一揩面珠仔就算啦，點知．．．
諾諾一野拎過黎，咀我咀咀呀！嘩，好突然！呢次係第一次同諾諾咀對咀kiss，值得紀念！
偷襲完我仲係度大笑同yeah添～～真攪野！
沒有留言:
張貼留言