今日放假，亦係超忙碌、好多野做既一天！第一站先去中環見律師，今次真係多謝表姐同姑丈既幫忙，令無經驗既我，可以得到安心同穩陣既安排！
跟住表姐車住諾諾黎接我同媽咪，赤柱就係我地今日既約會地點喇！今日天氣好好，可以去沙灘啦，yeah！不過去之前，我地先食野同行陣街先！
我地去左delifrance醫肚～～
個個都要同食物影相，諾諾都要架，睇佢手仔陣陣咁楂住碟蛋糕，好攪笑呀！
我同媽咪啜意粉，諾諾笑到癲左！
跟住去行街，主要係買ＢＢ衫，不過今次係幫太陽媽媽，買比太陽表妹係紐西蘭個一歲ＢＢ囡；紐西蘭宜家冬天，到夏天應該係年尾，所以今次買左三件歲半既裙仔衫仔！
之後我地去沙灘啦～～嘩！呢隻蜜蜂仔係邊個呀？
擰轉面睇下，原來係諾諾豬！
好kawaii呀，我地一幫諾諾換左呢件泳裝，全個沙灘既人都望住諾諾，好攪笑呀！睇下後面經過既婆孫，一路行一路眼金金咁望住諾諾，仲微微咀咁笑呢！
全場至sharp係您啦，諾諾！
我地仲叫諾諾fly～～
諾諾叫呢個"不"沙兜做 spoon，哈哈！
笑得好奸好開心喎～～
"不不不"～～
兩隻手一齊"不"，咁肉緊呀～～
影埋諾諾趴低個樣，哈哈～～
close up對立體蜜蜂翼同小尾巴，好得意呀！
諾諾好鍾意玩沙，玩到好投入，玩極都唔厭呢！
呢兩張係手機拍既，效果都唔錯呢！
同媽媽同恩恩影返張相先～～
我講笑話：諾諾，您條Ｍ巾露晒出黎啦！哈哈～～～～
黃昏時間黎玩真好，又唔晒，又有風，爽！
諾諾做動作連環圖：
去完沙灘後，我地就啟程去Megabox，我地今晚會一齊食埋晚飯；諾諾係車度玩聞腳，我仲叫佢食腳添呢！哈哈～～
去Megabox主要原因，係因為我同太陽哥哥約左證婚律師開會，所似食飯前我地先去見律師，媽咪佢地就搵位食飯！律師公司係matthan place廿幾樓，呢座係新大廈，感覺好grand！
電梯門一開，"嘩"左一聲，好豪華喎．．．原來呢度係CASH時富金融集團！
電門一開，我地被帶到入一個勁high既會議室，派場十足，似足電視個ｄCEO會議一樣！
會議室好大，張檯好長，落地玻璃個海景view好正！
好多獎座～～
人生的第一張擬結婚通知書，填時有點緊張，感覺有點怕，又有點實在，好似又行前左一步咁！
攪掂後就去左喜百合食飯～～
第一次黎呢度，覺得天花板盞水晶燈好靚呀！
檯上的配菜都好大碟同好味：
我地叫左個$598四人餐：
被片前的片皮鴨：
各項餸菜：
影下相先，諾諾特登遮住自己塊面，攪鬼～～
影返張正經先，搭住媽媽同爸爸膊頭，好freind喎～～
我地三個都影～～
今日雖然行程緊密，但我都偷到ｄ時間shopping，買左兩件新衫呀，好開心呀！
呀，唔記得講添，今朝裝左電視啦，好大部呀，有少少唔慣添～～睇下我今日做左幾多野，真係勁忙碌既一日呀！
沒有留言:
張貼留言