今日都幾忙碌，因為有兩個生日飯局；一個係爸爸，明天就係佢正日生日；另一個係碌齡group的六七月之星！
爸爸的生日飯局，我地去左佐敦金皇朝食午飯慶祝，呢間酒樓佢帶開團識得，所以唔洗等位，係呢一區食亦方便爸爸之後繼續帶團做野！今日爸爸著左件好sharp既裇衫，成個夏威夷look咁！我冇出鏡呀，因為太熱紮左辮，個樣唔多掂，哈哈！
食完大約兩點半，行返去佐敦道搭車返屋企，同琪琪目睹交通意外，事後先知原來就係架貨車車死左個呀婆單意外；不過當時我地見唔到個屍體，琪琪話只係見到有塊綠色野冚住舊野，原來就係個屍體，諗返都幾恐怖！
夜晚碌齡group慶祝係葵芳漢福打邊爐，今次我地約到一共十六個人，真係陣容鼎盛！
唔知點解呀wing成日都唔肯同呀鑫影相既呢？但佢地對望個一笑，又好襯哥喎～～
今次六七月之星一共有四位，健影相時最攪笑，因為播緊港男，佢話要扮港男擺甫士喎！哈哈～～
壽星仔女合照：
再跟伴侶黎返張：
漢得自己一個．．．
跟住即興玩全男班：
又話要扮港男喎，但班男仔好難控制，影到有ｄ炆呀！
原來alex行開左，少左佢一個，見佢返黎啦，即刻話補影過，點知影完發覺．．．咦，非洲呢？頂．．．去左廁所！又係唔齊人，好炆呀！
全女班快靚正，爽好多！
大合照都攪左好耐，三部相機＋呀姐不穩定技術，第一張相連條相機繩都入埋鏡！仲有張相係連呀Ben都影唔到，Ｏ晒咀～～
沒有留言:
張貼留言