琪琪的朋友原來都好留意我的動向架，知道我剛開始住新地方可能要添置東西，有筍野即刻通知我，就係有部好新只係用左一年既洗衣機，問我要唔要；其實洗衣機我冇諗住呢個時候花錢買既，一來想慳返ｄ地方唔洗個騎樓咁多野，二來我同太陽哥哥其實有幾多衫丫，一個星期頂多先儲到一機衫，都係拎去媽咪個邊洗，所以一路都無特別諗住去買，估唔到造就左今次的意外收穫！
今日放工，我負責去沙田監工搬運過程，而太陽哥哥就負責返屋企清理好露台等我；部機真係好新淨呀，個位仲fit到爆！好可惜我地唔太識駁ｄ水喉，一開水ｄ水飛濺左出黎，好在熄得快，哈哈！不過最擔心係．．．我地發覺機身好似有ｄ電，唔知係漏電定係靜電．．．都係要搵師傅睇睇先！
今日早左係沙田新城市行左陣街，買左太陽哥哥鐘意的咖啡味Royce比佢！
沒有留言:
張貼留言