2010-07-22 (Thu) 黑雨夜@板前．韓國雪條

今日放工時開始落雨，但唔係好大，冇咩野，點知上左銅鑼灣車收到PT公司電話，話黑雨唔洗返！好在架車未離開中大咋，唔係真係要戇居居焗住坐車過左海！雖然賺少一晚錢，但一知道唔洗返PT後勁開心，即刻打比媽咪同太陽哥哥約一齊食飯！ 本身琪琪同媽咪今晚約左食板前，宜家由兩個人食變了四個人食！

用了板前會員優惠券，半價食左呢客秋刀魚刺身，但細妹話超難食！仲因為用了優惠券，冇左會員咭全單九五折的優惠，幾無謂呢！

媽咪近日見到新出的韓國雪條，好似我地係韓國食過的蜜瓜雪條咁喎，呢款仲有四隻味道添；我暫時試左芒果，勁好味！