媽咪呢兩日同叔叔姑媽佢地去左美食之旅，今晚本身諗住上深圳接佢＋同親戚們一齊食飯；最後改左係香港食，地點係大圍生昌，係正太陽哥哥樓下！
六點就到，咁早所以只得我地！
等埋姑丈放工黎到就開始食～～
同姑丈食飯預左分幾輪食，會食足幾個鐘，最後九點半食完！我地分左三輪食，六個人叫左勁多野食，食到好飽好飽，飽到個肚有ｄ痛．．．
食完心癢癢掛住諾諾，就叫媽咪一齊上去瑞峰探諾諾＋小日朗，頂多回程call搭的士返屋企！去到即刻同諾諾玩，佢仲煮左 lemon fish 比我食！
幫佢影完佢又幫我影～～
小日朗長期處於懶訓豬仔狀態，冇咩同佢玩．．．
其實我個focus都只係係諾諾身上！嘻嘻～～
諾諾做左哥哥，不但冇呷細佬醋，仲好錫細佬，爸爸叫佢唱歌比小日朗聽，諾諾即刻去梳化拎搖鈴去細佬旁邊，一路搖一路唱，好攪笑呀！
同小日朗影相：
之後同諾諾玩左個好花體力既遊戲，就係 hide & seek 喇！唔止我一個玩，我同諾諾玩左幾鋪後，佢輪住叫每個人都 hide，所以佢地個個都有份玩，每人都匿埋左一次比諾諾搵，玩完後大家都攰啦！半夜三更仲玩 hide & seek，真攪笑，不過好開心呀，好有大家庭溫暖的感覺！
玩左成個鐘，夜啦要返屋企，同諾諾影埋相，我同媽咪就搭的士返屋企啦！
沒有留言:
張貼留言