尋晚送左夜冷店買既書檯書櫃黎啦，我地去左食buffet，好在媽咪得閒幫我地收咋！尋晚返到去都成十一點，但我都忍唔住要整乾淨先安樂，首先要抹返個地，次次送貨入屋都會踩污糟地板；跟住仲要抹下ｄ書檯書櫃，要肯定乾淨我先會放我ｄ寶貝入去架麻！抹完又忍唔住開始執野啦，因為舊書檯書櫃放左係廳，要交換放置好晒ｄ野先丟得，我見到成屋都係野就唔舒服＋眼冤，一執就執到兩點先訓，今朝勁攰呢！
今日原本要返PT架，個心一路都唔太想返，因為屋企ｄ野未攪掂我就會心掛掛＋唔安樂，點知有同事打黎問我係咪要幫我返，太好了！所以放工後我就返屋企繼續執野，同埋等寬頻駁線．．．最後總算將新舊書檯書櫃既野對調，只係差執整齊啫，但起碼可快快將舊書檯書櫃丟去垃圾房麻！
呢張就係新書檯，可以放到三部電腦架，岩晒我地；最正係勁fit我地堵牆個size，就係因為咁，我地決定買二手夜冷，最大功勞都係媽咪啦！
內籠仲係好亂既新書櫃：
舊書檯書櫃丟左去垃圾房後，個廳即刻整齊晒，仲好寬敞，又大又簡潔，我好滿意呢！
都未比大家睇過屋企個改建廁所趟門，就係咁架啦：
沒有留言:
張貼留言