2009年10月22日 星期四

2009-10-22 (Thu) 結婚 1 個月紀念日


今日係同太陽哥哥結婚一個月紀念日呀,話咁快就結左婚一個月,時間過得真係快,但我感覺好似只係剛結婚無耐,因為其實結婚後都好忙,忙到宜家都未停過;我同太陽哥哥都未真正享受過婚後生活,希望間屋快d攪掂好,買齊埋d家具,咁就可以開開心心去honeymoon同迎接christmas喇!


今晚我要返PT,無時間去慶祝,不過太陽哥哥一早約定我放工一齊去食宵夜慶祝!佢黎接我放工後,我地就去左"東京"食宵夜,一坐低,佢就送禮物比我啦!



可惜我冇準備咩禮物比佢呢...好內疚添,因為太陽哥哥係餓住個肚,冇食過晚飯,只係周圍行買禮物比我同等我放工...我唯有請佢食宵夜補數啦!




我呢排越來越鍾意食刺生呀,成日一諗起就流口水,不過叫漏左我既至愛赤貝呀!




仲有少量壽司:




卷物好抵食呀,揀兩款一齊叫只係$45再半價,即係呢八舊野只係$23.5咋!




仲有我既至愛燒牛舌,好好味!




沒有留言:

張貼留言