今日Elsa放假，專誠計劃返中大同我地食lunch，慶祝Yammy呢個星期生日既大日子，Elsa想神秘咁出現，所以我就事先約好Yammy+Jimmy，Elsa就今日突然lunch前出現係Yammy面前！
我同Yammy Jimmy之前去過兩次大尾篤Luca，Elsa一路都想試，今日終於有機會啦，我地四個都叫左牛扒餐呀！開餐前大家影下相先，最緊要同壽星女影～～
呢餐真係食得開心又relaxed！呢份係我同Elsa送比Yammy既禮物，希望壽星女岩用啦！
夜晚放工即刻返屋企，大把野要做呀！先同太陽哥哥去傢俬鋪，傾整電視櫃、廚櫃、書檯＋書櫃既事宜；電視櫃價錢合理，可即刻落實造；廚櫃就太貴了，因為我本身只想造個細吊櫃仔，用黎遮住ｄ水喉，但無論大與細都係段尺咁計，造細細個實在太唔化算啦！至於書檯＋書櫃，佔面積最多，價錢當然都最貴，所以要諗下先，亦要問下媽咪意見！
去完傢俬鋪已經九點啦，即刻去青衣城食野，去左Ｍ記；我試玉子將軍漢堡，太陽哥哥食足三両！
跟住返屋企繼續作戰，諗住得返咁少時間，今日目標應該唔能夠達成，點知．．．達標呀！梗係啦，我地抹到兩點先訓．．．不過都係開心既，因為間屋宜家又整齊又乾淨呀！
先睇下個廳啦，好似新屋一樣，好吉，因為我地想抹到好乾淨先搬返ｄ野入黎，唔想搬下又抹下咁！
廳既壁燈：
書房：
沒有留言:
張貼留言