2009-10-12 (Mon) 整屋進度

呢幾日都係不停睇整屋既野，等我update下個整屋進度先先係．．．

上星期三(7/10)

廳的牆身已鏟左灰：

廳中間working area：

師傅買左好多唔知用黎做咩既材料．．．嘻嘻～～

兩間房的牆身亦已鏟左，書房：

睡房：

成屋周圍都係灰既殘骸．．．呢刻我只諗起之後肯定要抹到我抽晒筋既苦況！！！救命呀．．．邊個肯伸出同情之手幫我抹下野呀？

廚房同騎樓未郁過．．．

上星期六(10/10)

廳個牆身都油左層油啦：

兩間房個牆身都油左，書房：

睡房：

星期一(12/10)

今晚放工即刻返黎，師傅己走左，睇到廳已整好天花線啦！

廳中間越積越多野呢～～

最開心係見到廚房同騎樓終於開工啦，ｄ灰已經鏟晒落黎～～

成個地下好似大地震完咁，我完全唔敢踩入去，驚"界"爛我對鞋呀！哈哈～～唉．．．廚房係用黎整野食既地方，見到咁既情景．．．大家估下我個心又會即刻諗ｄ咩？．．．．．．

原本今晚我諗住係媽咪度訓，太攰唔想咁頻撲，訓梳化就梳化啦；點知八點幾太陽哥哥突然打黎，話唔洗開咁夜OT喎，不如宜家去沙田行IKEA，因為十點半先close！咁我就即刻換衫碌去沙田啦，因為二四我返PT，星期三約左木工師傅黎度位整廚櫃同電視櫃，星期五約左裝燈，星期六要返大陸整窗簾．．．幾full丫，所以呢個機會都好難得，就即刻去沙田會合太陽哥哥喇！

呢個櫃無論款同質料我都幾鐘意，有條銀色邊，型過齋純白色；不過唔夠高，所以影低相，星期三比師傅參考！

有門書櫃岩晒我，我最唔鐘意只得層架，ｄ書實鋪晒塵；反而太陽哥哥鐘意，因為可以放佢ｄ寶貝figure，所以同佢唔洗淨，有門放我既野，冇門就放佢ｄ野！good～～

書房ｄ檯同櫃點整仲未決定，因為實惠同IKEA都無岩既size，但訂造太貴了，因成間書房咁整實好甘啫；所以真係要再諗諗，搵到兩張檯連櫃夾埋岩size就最好喇！