2009年10月1日 星期四

2009-10-01 (Thu) 拎禮物.執野日


今日係國慶假期,早上先回大圍跟太陽媽媽食bunch,跟住去了新城市拎禮物!話說星期一返工,有兩位同事送了以下一個自製chip n dale信封給我,內有一張收據,係一田既床上用品...其實佢地已經黎左飲我大婚個餐,估唔到另外仲再買禮物比我,實在太有心啦,真係攪到我勁唔好唔意思呀!




佢地怕我已有呢套床上用品,所以比左張單我,叫我唔鍾意可以換其他野,真細心!佢地實在太好啦,成套床上用品連埋被芯都買埋...真係誠意十足!我見太陽哥哥都唔抗拒卡通公仔,所以我地都冇特別換其他野,只係加左一百蚊,換了個加大size床笠同被芯,因為屋企個d全部都係加大size,統一d就可交換用麻!嘻嘻~~其實我已經有好多床上用品了,計埋呢套已經五套啦,真係有排用!




跟住我地就返屋企執野啦,因為下星期一開始整屋,要妥善咁安置一切物品!太陽哥哥呢個假日兩日都要開工,怕得返夜晚時間執唔切,所以要趁住今日假期盡量執,細件既盡量放係櫃入面,大件既就要預備搬出屋內/隔離媽咪度...真係諗起都頭暈!為免到時d野鋪晒灰塵,處理時都真係要比心機咁包好,絕不能馬虎!我執左兩個鐘已經攰死,成身汗兼踎低起身見頭暈...點解好似結完婚都未relaxed過咁架...真係要加油,快d攪掂埋呢個project,咁就可以安心去honeymoon同埋開始一個新生活喇!




衣櫃都質到爆晒棚...我對結婚氣球咁多日都冇漏,幾勁!實在唔捨得丟呀~~



呢格仲有好多位呀,不過相信好快又質爆啫!嘻嘻~~




沒有留言:

張貼留言