姑媽/表姐一向有join JW Marriott 既 buffet card，叔叔今年又join埋，但十月到期佢地仲未食晒，仲有幾次剩；上星期同諾諾開完party後一齊食晚飯，當時佢地就係度計點樣十月前用埋ｄquota，其中係今個星期六既四位buffet lunch，已經confirmed左架啦，因為太陽哥哥要楂車，我會同媽咪琪琪威哥去！另外，我同太陽哥哥仲有幸"摱"車邊，被賜獲今晚既buffet dinner！不過當時只係reserve第三個，雖然叔叔話機會好大，但一日未confirm都未肯定麻；到今日四點半，終於收到電話話後補成功，即刻打比太陽哥哥報喜！
因為太陽哥哥六點半先放工，我六點半到左就自己食先；先攻海鮮，好多選擇：
先黎半打生蠔先，我既最愛喎～～
我再拎第二碟，剛拎完太陽哥哥就到啦～～第二碟我再食多半打生蠔，一共食左一打，今日都係第一次食buffet食到一打生蠔咋！其次龍蝦同大蝦都好好味呀！最正係呢度有齊晒唔同國家既醬料，我地最鍾意食泰國檸檬汁，配海鮮一絕呀！
太陽哥哥黎到即刻幫我影相～～
太陽哥哥第一碟拎咁少既，咪扮細食喎～～
之後都係間唔中先得閒影相．．．
甜品有勁多款呀．．．
我地只係揀左呢幾款試：
影下相先～～
食到好飽呀～～
難得的合照：
雖然十點先完，但我地九點就想走啦，因為已經勁爆飽！正想埋單時，收到表姐電話，話佢地剛慶祝完諾諾正日生日，係迪迪尼出左青衣城食飯，我梗係即刻碌返青衣搵諾諾啦！
一黎到諾諾就即刻拖住我地，仲跟我地出去玩，咁表姐同表姐夫就安心食飯喇！太陽哥哥雖然少見諾諾，但佢都好錫諾諾架，加上諾諾認得佢，佢更加心甜啦！我返轉頭拎返相機，一出黎已見太陽哥哥帶左諾諾去玩食錢車車，剛教緊諾諾點入錢！
原來諾諾未正式玩過呢ｄ食錢車車架，表姐話平時都係由佢坐係度玩算，唔會入錢，係曾經有一次，同個小朋友一齊坐，點知人地爸爸入左錢，玩完一次佢地唔好意思，就入多次錢；咁太陽哥哥今次比錢諾諾玩，會唔會．．．？
架食錢車車大郁，諾諾先黎個Ｏ咀驚訝表情，跟住就勁開心咁笑啦，覺得好好玩好新奇吧！
睇下諾諾笑得幾開心～～
短片～～玩完後太陽哥哥同諾諾講玩第二架車，諾諾即刻action！好攪笑～～
係遠處諾諾己指住講 red car 啦！今次已識自己入錢，大鑊啦．．．
諾諾玩得好投入呀，相信係因為呢架 red car 望到前面，觀感一流；反而頭先架火車好似係個窿入面，唔知發生咩事咁！
諾諾又好乖喎，玩完叫佢走佢又肯喎！
跟住諾諾同太陽哥哥玩緊"匿埋(捉衣恩)"時，諾諾突然摸住個肚仔，彎彎地身咁，好唔舒服個樣；我地好緊張呀，即刻抱佢返去搵表姐；表姐話頭先係迪迪尼走時，諾諾個肚已經唔係咁舒服，仲痾左次屎屎；但平時諾諾只會係屋企廁所痾，唔會係街度痾係片片度架！因為肚仔唔舒服，諾諾好似攣公蝦米咁趴係我身上，呢個姿勢佢應該舒服ｄ，表姐問佢要媽媽抱定恩恩抱，佢仲話恩恩呀！
跟住諾諾突然話"玩呢個"，睇佢手指指，大家都唔知佢話玩咩，我烏低頭一裝．．．原來佢指住商場出面既上一層，個度有隻米奇食錢車車呀！咁都見到，好眼厲呀！
就係呢個米奇車車啦，睇諾諾個樣幾開心！
隻歌仲係小小世界，諾諾好鐘意呢首歌架，因為迪迪尼小小世界坐船船都係呢首歌！
玩完一次後，車車停左，諾諾望住我地，冇起到身．．．
表姐：走啦好唔好呀？
諾諾：唔好．．．
表姐：唔走呀？媽媽冇錢錢喎～～
跟住諾諾眼仔碌碌咁，向上望一下太陽哥哥，
然後細細聲咁講：sunny哥哥．．．（哈哈哈!!!）
不過諾諾個肚仔又再次唔舒服，跟住仲定左型，表姐就叫佢唔怕啦，痾屎屎係片片度啦～～諾諾跟住真係痾左．．．跟住就由太陽哥哥抱起，我地去換片片～～
因為痾埋屎屎，更加要攣公假米式抱法，諾諾應該好唔舒服呀，睇佢好嗲咁伏起太陽哥哥度呀！
跟住換片片～～
一換完片片即刻生猛返晒，仲話比恩恩知，佢識做兩歲生日個２啦！
但行左冇幾耐，諾諾又發作．．．應該又再痾左，又要去換多次片片．．．我地今次冇再去啦，因為書檯同書櫃今晚送左黎，要返屋企執野抹野，就係度分手啦！
諾諾話咁快就兩歲啦，佢係我第一個成日見既ＢＢ，我睇住佢大，見證住佢成長，由剛出世既ＢＢ，到宜家識行，學緊講野．．．我希望繼續同佢見多ｄ玩多ｄ，因為我好鍾意諾諾呀！係度希望諾諾繼續開心健康乖乖咁成長，生日快樂！
沒有留言:
張貼留言