離開機場後，我地就由首爾直接出發到江原道，亦係我地今個行程既重點 - 滑雪！我今次第三次黎韓國啦，對首爾個ｄ東大門明洞行街行程冇咩大興趣，最想就係滑雪，呢個亦係我地成班人揀報韓國團既目的，仲要係專登揀有兩日滑雪既！
由首爾坐旅遊巴到江原道，需時四個小時，中間途經休息站，我地就係呢度食個小早餐保暖再上路；雖然冇落雪，但宜家都有零下七八度，一落車亦見到雪景～～
我地既小早餐好普通，只係烏冬一碗，不過ｄ烏冬都好滑好好味！
食完野就行便利店，次次去旅行每日實要行便利店，其實便利店咪等於香港7-11，ｄ野實貴ｄ既，我地都唔會去7-11買野架啦，但都唔明點解一去親旅行，日日都係要去便利店買野先安樂！哈哈～～
出名既梨汁～～比我地掃左好多，我冇記錯的話，香港citysuper都有呢款梨汁，賣八九蚊罐，呢度就五蚊罐！
媽咪買了小食：
表姐夫買了氣球氹諾諾：
大約十點幾我地就到達江原道啦，先去江原度假村俱樂部，入面可以影下相，同埋去賭場行個圈！好靚既雪景呀～～
呢個係High One滑雪場既地圖，導遊順道介紹一下！媽咪揀團時，我唯一要求係，要新既滑雪場＋靚酒店；而呢個High One滑雪場係2006年尾先落成，係韓國宜家排名第三的滑雪場！位於海拔700米以上的山區，是全韓國唯一可眺望江原道山景既滑雪場；而在滑雪道最頂端的休息處，設有高1376米及全韓國唯一的滑雪場旋轉餐廳，係江原道最高既眺望點！
High One滑雪場設有18條分作不同難度既滑雪道，供不同滑雪愛好者選擇；滑雪道總長度21公里，最長滑雪道為4.1公里；最特別係係海拔1340米的最高雪道上，更有3處乘纜車既地方，跟其他滑雪場統一的乘車入口相比，更方便住係唔同度假村區域既遊客使用！
對我地初級選手最好既地方，就係呢度唔同傳統的滑雪場，初級者只適合係山腳玩，呢度係一個城鎮型滑雪場，無論係山腳、山中間、甚至山頂，都有初級既滑雪道，初學者就唔洗玩黎玩去都係山腳玩咁悶咁慘喇！
俱樂部環境好grand，我地亦入賭場兜左個圈，最主要係試任晒咁多款唔同既果汁！
Jumbo size 老虎機：
沒有留言:
張貼留言