今朝晨咁早七點鐘，就收到太陽哥哥電話，話佢出緊機場，一唔一齊食早餐．．．雖然訓到懞查查，我都識答 YES!!
太陽哥哥豐富早餐：
太早未肚餓，我只叫了個mini早餐：
必飲既茶走：
之後返教會，有所得著，好開心呢！跟住就出荃灣，約左中學同學去城門水塘BBQ，呢度好似係我第一次日頭黎BBQ呢，原來日頭黎個景係幾靚喎！
男士們起爐+ing，女士們hea+ing：
有小朋友組別黎遠足呢！
開始BBQ啦，第一轉睇下大家食ｄ咩先～～
我的第一round：
朋友們：
第二 round：
同每位朋友仔合照：
突然．．．有一隻大馬騮出現，越行越埋，只係數秒、瞬間之間，佢走埋黎、琴上張櫈度、一手拎左我地放係檯上面未拆既整包棉花糖！而我地，只係眼巴巴咁呆左．．．睇住我地既棉花糖就咁犧牲左！我地對望．．．無奈．．．因為發生得太快、太突然，大家都預計唔到，一心只係顧住包生命麵包，冇諗過隻馬騮識食棉花糖！
隻大馬騮搶左我地成包棉花糖後，我地追唔返，佢就匿埋一邊成包係咁食係咁食，食左成半個鐘．．．之後佢再蒲頭，我就行埋ｄ影佢相，點知發現超核突景象，就係佢回吐返ｄ棉花糖，係一大舊一大舊咁lur返出黎！
短片～～隻大馬騮回吐完離開．．．
隔左陣又炸炸帝返黎，仲想攪我地，好在朋友們今次拎住燒烤叉做武器，將佢嚇走咋！
大合照：
夜晚晚飯約埋媽咪威哥一齊食壽司，去左板前～～
威哥食左個好長既鰻魚壽司，媽咪扮太陽哥哥！
媽咪同太陽哥哥都話呢款"醬油漬三文魚"壽司好味！
今日仲陪太陽哥哥去搵Ronald買相機作結婚賀禮，搵到Ronald買，梗係送多ｄ野啦！
媽咪一路叫我揀聖誕禮物，過晒聖誕都未睇中，其實一路想要件褸，咁岩今晚睇中，就呢件啦！Thanks, Mami！
沒有留言:
張貼留言