今朝一早就起身啦，不過一ｄ都唔覺眼訓，因為黎緊既行程對我黎講係又新鮮又好奇又得意，令我好想見識一下！
尋晚黎到天黑望唔清呀姨既大宅，今朝一出黎即刻影低！
仲有接載我地的四驅車：
今朝一落到黎，ｄ工人忙住pack野，攪咩呀？原來呢ｄ係過大禮既用品！但聽日就結婚囉喎，唔係一早過晒大禮既咩？原來呢邊習俗唔同香港架，一路聽太陽媽媽講先發覺，其實呢度結婚，做既野係同香港差唔多，但論次序、安排、需時，就跟香港大大不同喇！睇黎我要放低香港既慣例，慢慢認識同感受一下呢邊既結婚禮節！
由於我地男家一行十幾人，呢幾日亦租了12座方便出入，所以見佢地係咁pack野落一小車一大車度！
執晒所有行裝後就出發啦，由於去女家屋企要三四個鐘車程，我地先去食早餐先！呢間貴刁鋪太陽哥哥話好出名，亦係金邊最好味架，佢次次黎都要嘈住黎食架！
我呢碗係牛丸拼牛肉，真係幾好味呢！
呢度ｄ酒炸鬼粗過但短過香港，肥嘟嘟好得意！
太陽媽媽 & 太陽表妹：
呢度ｄ咖啡同香港又係好唔同，唔需要自己落糖，因為係用煉奶既，就好似香港我好鐘意飲既茶走一樣！可惜呢度落既煉奶係勁多架，大約成杯咖啡既三分一，所以係超超超甜，叫左少甜都仲係好甜！
因為我地坐細車快好多，經過三個多小時既車程，我地就到啦，而12座要成四個鐘先到呢！呢度就係女家屋企，原來柬埔寨結婚擺酒，好多時都會係屋企門前擺，宴會公司會全包宴咁安排，包括搭帳篷、安排檯櫈餐具，同埋好多餐既食物！
而女家屋企地下個層，亦會清晒所有傢具，放了結婚需要既擺設：
同襯家social後，我地就即刻被安排午膳了，原來呢度結婚，要食好多日架，仲係由朝食到晚，今餐仲好好味呢！睇下ｄ大蝦幾大隻～～另外，我好鐘意呢度既酸辣檸檬汁，每一餐每個座位都會有一碟，岩晒我！
女家親友中見到一對姊弟，小家姐生得好標緻呢！細佬對眼就單眼皮，我叫佢做呀Rain！
開始佈置花車啦，表弟架車將會做花車，仲會接新娘返男家呢！
呢度佈置花車真係超easy超先進，呢方面呢邊既人真係醒香港好多喎！佢地既車花係用大磁石託底，一放上車度就吸到實一實，勁good呀，香港人真係可以諗諗！
食飽暫時冇野做，我地就去行街市～～黎柬埔寨之前，太陽哥哥好擔心我因為超怕污糟黎到會好唔慣，所以事先已brief左我，話有心理準備街市係超級超級污糟，可能我真係預左好污糟好污糟，到實地黎到，又覺得唔係佢講得咁誇啫！係就係落後ｄ，亦有烏蠅飛黎飛去，但我覺得可能接受，no problem！
睇下呢度既地道街市檔係賣ｄ咩野食先～～
大人們主要黎街市買生果食，呢度既生果檔真係有好多好colourful既生果呀！
柬埔寨獨有既『人蔘果』：
勁多蕉～～
大人們揀緊榴槤，買完仲即食！
柬埔寨獨有既『牛奶果』，味道非常甜，質感似"林"左既"林柿"咁，ｄ核都好似！
食完飯後果我地先到下榻既酒店check-in，再沖過涼休息一下！
好靚既畫呀～～
我地既房係二樓，行完兩層又高又斜既樓梯，我即刻喘晒氣！
好大好舒服既露台呀～～就係正我地房間出面咋！
休息完後我地又返女家度啦，一返黎岩岩見到新人落車返黎，原來佢地剛去完"拍拖行街"喎，今次亦係我地第一次見表弟老婆既廬山真面目！
呀姨都換左衫同set左頭啦，今日又唔係正日擺酒，有咩攪要著咁靚呀？其實主要係新郎黎接新娘去拍拖行街，跟住受僧人祝福，同埋同親友們不停咁食飯，因為親友們全部都會今日黎晒！
我就嘆左杯太陽哥哥稱之為『啡走』：
僧人祝福～～親友們都會一齊坐低，好似觀禮一樣！
影相時間～～禮服好似邏羅服呀，一ｄ都唔leung，幾靚丫！
跟住就食晚飯啦～～晚飯就麻麻地，午飯個餐好味好多呢；不過有生蠔食，都幾好味！
食完飯我地就返酒店啦，一返到去酒店大堂見到．．．嘩！呆左．．．咩事呀？
不過大驚小怪原來只得我同太陽哥哥囉．．．其實大家幫手預備緊聽朝過大禮既物資呀，但又會叫到咁多人黎幫手既？我都Ｒ晒頭，原來女家有咁多friends既？！相中咪有好多金盤既，一共要準備168盤呀！
佢地就繼續努力，我地就上房梳洗先～～再落返黎時，佢地已經八八九九啦，果然快手，再次見識到division of labour同人多好辦事既效能！勁呀～～
每個金盤都有唔同既野，主要係生果最多，好多好多盤；其次亦有婚禮必要預備既東西同一ｄ意頭野，有ｄ就只得兩盤即一對；黎到呢刻先知，聽朝我地都要幫手拎去女家呀！168盤喎，點拎呀？聽聞係每人捧住一至兩盤，由酒店步行到去女家，打鑼打鼓咁送過去呀！聽落好似幾得意喎，好心急想見識下呢！不過我最驚係由酒店"步行"到去女家囉，行幾耐架
168盤包好晒後，就依先後次序排好晒係紅地毯上，最重要個ｄ梗係行頭啦，聽日我地捧個ｄ都係排係好頭架！
嘩．．．場面壯觀！其他人就係度係咁數下有幾多盤，係咪數緊足唔足168盤呢？！
由尾影上去～～
由頭影返落去～～呢幕真係令我大開眼界，我諗呢ｄ機會，睇怕我一生都唔會再有第二次，所以要好好記低係腦海裡面先！睇黎黎緊兩日，仲有好多新鮮同精彩既事情等住我去發掘呢！
沒有留言:
張貼留言