每次去完旅行，我通常都會請多日假，今次都唔例外！一來夜機到港想休息多一日，二來大把衫要洗要掠，三來屋企成個禮拜冇郁過，實鋪左好多塵，張床更加唔洗講，所以一定要換床單床鋪，又多一機衫．．．除左家務，我又要花點時間整理相片啦、check下email啦．．．等等，以上種種，我會好心急想即刻KO晒佢地！
尋晚返黎聽媽咪講，佢話知我今日放假，所有約左表姐同諾諾今日飲茶呀！可以見到諾諾固然開心啦，不過我就要安排一下做家務既時間喇；尋晚除左即刻換床單床鋪外，仲漏夜洗左一機衫；換床單床鋪聽落好簡單，但結婚後既雙人六吋床褥，仲要係靠牆冇咩空間可以利用到，係一項好花體力既活動黎架！到今朝九點早起身，又洗多一機衫；跟住打掃，務求迫自己做晒ｄ家務先出去！
不過今朝起身勁唔舒服，個喉嚨好痛呢！仲有個鼻好似塞塞地咁呀！上次見諾諾係除夕，足足兩星期冇見，好掛住佢呀！
諾諾影的相：
諾諾越來越古靈精怪啦，自己除鞋除襪，姑媽跟住整古佢，問佢對腳臭唔臭呀？諾諾就自己聞隻腳啦！
表姐話冇野做不如去迪迪尼啦，咁我地飲完茶就出發啦！經過實惠門口時，見到個好大既鼓，我地叫諾諾去打鼓，跟住又叫佢望鏡頭影相，佢望得好攪笑呀！
雖然個鼓好高，隻手要舉到好高先打到，但個頭唔洗昂高架麻，正傻豬黎架！
架食錢red car岩岩有人玩緊，個伯伯仲好好叫埋諾諾坐另一邊，唔係Sunny哥哥係度，諾諾今日都玩到食錢red car呀！
諾諾不停同恩恩玩『匿埋』：
去到迪迪尼，見到ｄ新年items；好鐘意隻跳跳虎大吉，可惜問過無chip n dale，因為今日係虎年先有跳跳虎咋！
米奇糖果全盒：
新年鎖匙扣：
之後我地睇Parade，媽咪係第一次睇呢！
我最愛既chip n dale：
恩恩唔係咁舒服，唔敢抱諾諾咁耐咁近，就交比舅婆抱諾諾啦！
之後竟然比我地見到Woody呀！黎過咁多次迪迪尼都未見過佢會出黎同遊人影相架，即刻排隊啦～～
Woody好高呀，高得好緊要呢！
工作人員整古Woody，叫佢一字碼低ｄ咁同諾諾影相，Woody聽到後就作狀 OH NO
跟住就開始一字碼啦～～
工作人員繼續整古Woody，話唔夠低，再低ｄ低ｄ，超爆笑！最後咁係最盡了，場面好好笑呀！
跟住我地都跟Woody影～～
之後去玩木馬，諾諾幾冧舅婆！
恩恩梗係同諾諾一齊坐啦，我地不知幾 friend，又 HI 又 V！
跟住玩小飛象：
再玩Pooh Pooh車，今次張相影得幾好，總算個個都有望鏡頭，諾諾仲側側地頭好鬼cute呢，所以表姐都買左張返去做poster！
出左好多新公仔呀，我地係咁拎住狂影，影完一隻又一隻！
之後去玩巴斯光年，玩完出黎又影！
出黎見到真既巴斯光年，咁少人，梗係影相啦！
諾諾影既相：
可能著得唔夠衫去迪迪尼，我越來越病了，原本約左太陽哥哥放工後去睇結婚相簿個初稿，但因為唔舒服都係唔出去了；最後表姐車我地返青衣城，去池記食粥跟住就返屋企早ｄ休息啦！
沒有留言:
張貼留言