2010年8月26日 星期四

2010-08-26 (Thu) 親戚食飯@松屋放題


今晚呢個親戚聚會由叔叔做攪手,相約大家食日本放題,一行十一人,地點係佐敦『松屋日本料理』,揀呢度係因為有房喎!




開餐前影下相先~~




我地由七點食到十點,三個鐘不停點野食,全餐飯在不停傳食物+點菜紙中渡過,係最後個一個鐘放慢腳步先有機會傾下計;我地真係食左超爆勁多野,最後飽到嘔收場!


魚生壽司:



串燒:



魚類:



天婦羅+炸物+肉類等:




媽咪連"燒白果"都食,攪笑!不過我都食左燒翠玉瓜、燒鵪春蛋等騎呢食物!



檯上有幾個筒比客人放食完的竹籤,我地既筒全部都插滿晒!



呢度d雪糕意料之外的好好味,菠蘿、紅豆、芝麻都好受歡迎!




大合照:




尾聲時半醉的姑丈好攪笑,手舞足蹈咁,我叫佢錫姑媽,佢作裝想攬媽咪呢,大家睇見都笑到趴係度!



大吃大喝後的現場:



今晚餐飯如果表姐一家係度就perfect喇,其實間唔中大家庭咁食飯真係好開心,我好鍾意熱熱鬧鬧,食咩冇所謂,唔一定要大魚大肉,最重要一家人整整齊齊聚首一堂的意義!尤其是菲律賓事件後,我更覺得要珍惜身邊所有人,有幸我地仲有機會聚埋一齊食飯,好多家庭已經連一齊食餐簡單飯既機會都冇了!



沒有留言:

張貼留言