今日要過銅鑼灣做facial，好早前已同太陽哥哥約定，叫佢交更後唔好食野，我地即刻去食『海南少爺』，無論點今日都要試到，因為之前睇雜誌介紹時已經好想試架啦！
Open Rice介紹：於2010年6月9日開業，請來於新加坡文華大酒店Chatterbox兩位大廚坐鎮，炮製馳名海南雞飯及馬拉菜，選用的雞均於人道環境飼養，並以自製飼料餵飼，而醬料除了自家製亦由新加坡購入，確保保留正宗風味。
五點九去到都已經．．．哦，原來晚市六點正先開始，等十五分鐘啫！但我地排到都幾後，原來未必六點可安排到入座，其實我上open rice睇過評語話呢度好似刻意製造人龍效應．．．不過好好彩，我地係被安排到六點入座的最後一pair！即係遲我地少少排係後面既人，要等我地呢批人食晒先有得食！
餐廳牆上的雞：
天花的鳥籠裝飾：
餐牌＋咭片：
餐牌內的海南少爺中英介紹：
第一次食，梗係叫最出名的兩道菜啦！先黎
精選海鮮喇沙 [$88]：
呢個喇沙好正呀，足料之餘，湯底夠濃，另配上的醬並唔係普通辣椒醬，同碗喇沙味道好夾，真係超級好味！
招牌海南少爺雞飯(轉全脾) [$98]：
湯用小茶壺上，由客人自己斟，鍾意幾時飲都得！
其實海南雞飯要成$88都有點貴，但既然想試，就唔差在加多$10換隻雞脾啦
海南雞飯有三款醬，我覺得甜豉油同薑蓉配得最味，反而橙色醬好難食．．．
海南雞飯配以三款醬好多地方都有，但跟蒸蛋就第一次見！入面仲溝左皮蛋呢，感覺特別！
兩款菜我地都比滿分呀，真係好好味，有機會實會再黎食！
兩個星期內已經第五次去銅鑼灣女人街啦，終於等到返貨，買到想要既襪頭；呢款係 - 前面超低＋底部加長，岩晒返工，正野！我只知全港呢度有得買咋，仲係賣$5對，抵到爛！而左邊個款襪頭周街都賣緊$5對，呢度只係賣$3對咋，又係激抵！
其實我想要埋左邊個款襪頭既"底部加長版"架，好以下面呢款咁，因為我都多著露趾鞋，可惜老闆話短時間都來唔到貨啦．．．下面呢款我係葵芳買既，係韓國貨，質料無錯係好好，但賣$39對架，太貴了！有冇人知道邊度有得買平ｄ呀？
成龍大哥有新戲『功夫夢』上映，太陽哥哥偶像大哥喎，inception未睇都要讓路啦！我地之後過返旺角買聽日飛，順道又去JUSCO $10店入貨！
沒有留言:
張貼留言