尋日放工同太陽哥哥去睇『Salt』，呢排都好多戲想睇，但冇時間，係呢幾日媽咪去旅行，唔洗返屋企食飯所以多左機會出街；仲有inception想睇，黎緊有壞蛋獎門人、大哥既功夫夢，希望趕得切睇得晒！
『鹽』係太陽哥哥尋日買定飛既，朗豪坊UA靚位，good！
套戲幾好睇，緊張刺激，刺殺總統原來都唔太難，哈哈！導演都好有諗頭，刺殺總統既過程都好大部署，掂！安祖好型，雖然好似唔同左樣咁；同埋佢仲誇過大哥，冇理由一個女仔可以係天橋跳落大貨車車頂，再係幾架車車頂上跳黎跳去都絲毫無損吧？又無理咁高空從直昇機跳落海，咁大衝力都唔斷骨吧？Anyway，套戲情節充實，一路睇會有點亂，要諗下，有點似偵探片；不過尾段好明顯會有第二集呀，一上字幕大家都：下，完啦？原來已做左差唔多兩個鍾，真係唔覺！但其實我想一套戲講晒多ｄ！
睇完戲已經十點，我想行b+ab，行左大半個鍾揀到三件再有八折，點知冇新我又唔想要；十一點黎緊先食晚飯，其實都唔太肚餓了，又去左北海道活壽司，十點半後八折的宵夜時段；食左幾碟就係門口搭巴士返屋企，超方便！
同太陽哥哥一人一張無聊相
沒有留言:
張貼留言