媽咪呢個星期去左旅行，唔洗返屋企食飯，反而多左時間同太陽哥哥出街；本身今晚諗住煮飯食架，但因為早幾日睇中 b+ab 既衫係又一城有新，keep到今日，所以唯有選擇掃貨，煮唔到食啦，最慘又冇飯帶啦！
我地後晚會食buffet慶祝拍拖四週年，又heavy又洗錢；今晚我地決定食經濟ｄ，去左食譚仔米線，我好掛住陣味呀！
小辣湯底，一見到就流晒口水！
菜同土匪雞翼都係每次必叫之選！
今晚收穫～～五對船襪，ｄ色幾sharp！因為之前買ｄ公仔船襪襪頭太高，成日露左出黎，我唔鍾意，所以想換過晒ｄ船襪！呢款我上次買過兩對試，真係舒服同吸汗，今日先再返兜四對，只係$5對咋，襪頭高度又超fit，抵！
b+ab 原先只keep左三件衫，因為買三件以上再額外八折，真抵到爆炸！去到又一城後，原來呢間係旗艦店，勁大間兼多款ｄ，埋單加多兩件共五件，消費六百幾！
去埋買雪花秀 first care serum，香港專門店價錢就負擔唔起啦，買返韓國價就差唔多，60ml 四百幾，都貴貴地，但真係好用同已經韓國價了！送左支 mini 旅行裝，岩晒九月去旅行之用！
是晚消費過了一千大元，有點肉赤添！
今晚再同太陽哥哥傾下九月仲去唔去沖繩，因為日元實在升到有點離譜了！JW張酒店voucher我覺得可以試既地方仲有蘇梅同北京，因為兩度都未去過！去左書店睇左陣旅遊書，蘇梅的感覺似齋係resort玩only，有點悶；沖繩雖係陽光與海灘，但好似多野睇ｄ同好玩ｄ丫．．．至於北京，有點大陸feel，但有ｄ景點都有興趣既，好似水立方、長城，仲有一ｄ特色鋪頭，話晒係中國人，去一次都無妨既；不過最感意外係北京有間新既室內滑雪場，係全年開放架，最重要有得玩snowboard，呢個係絕對吸引我地既地方！
沒有留言:
張貼留言