今日lunch幫Ellen慶祝生日，去左葵青劇院Qui食！
lunch set：
湯＋頭盤，仲有一杯好好味既葡萄汽酒：
壽星女要了煎三文魚柳配香草白露筍汁：
Charade 要了燒大蝦海鮮意大利麵伴馬沙拉甜酒蕃茄汁：
我同Fook & Armand都要了燒意式牛扒配煎鵝肝及蒜蓉白磨菇：
雖然係lunch，但我感覺似食緊好豐富的dinner一樣！
甜品都有兩款～～但我已經超級飽了．．．
跟咖啡上的糖好特別，竟然係．．．一支啡色的迷你狼牙棒
五點到旺角會合太陽哥哥，因為我已吃飽，只係陪佢食飯跟住睇戲，佢揀左食壽司～～
飯後睇大哥的『功夫夢』，太陽哥哥講我先知，原來黑人小朋友男主角係Will Smith個囝，Will Smith仲係呢套戲既監製，捧返自己個仔，再搵埋大哥幫手拍！呢套戲係美國一上就票房 No.1，不過香港ｄ戲院又冇咩場次有得睇架．．．應該係因為香港並唔係 target market，片頭片尾的製作單位及鳴謝全用簡體字上既，擺明sell 大陸市場多ｄ，target market應該主要係美國＋中國，淨係呢兩個地方已夠搵真銀啦！
因為上次大哥的"大兵小將"已flick左我，抱住不感興趣既心情入場睇，結果．．．高出預期多倍，好好睇呀！入場時我仲準備訓覺，只係旨在陪太陽哥哥睇，點知全場冇恰過，勁！
睇住小黑鬼由成日比人蝦比人打，到成龍教佢真功夫，再出戰擂台，一步一步成為小英雄！有點霍元甲的感覺，雖然誇左ｄ，但真係有點似，只係人物唔同左，同埋背景係較舊的北京啫！但能於天安門廣場、紫禁城及萬里長城等地方取景，真係好犀利，報導話20年黎係好少電影可以取得批文係呢ｄ地方取景架；一套戲能睇晒多個名勝，其中萬里長城進行特訓、上武當山飲龍泉水，景色真係好狀觀，另一bonus！
知唔知呢個咁可愛既盒仔裝住ｄ咩呢？
係awfully chocolate既雪糕！朗豪坊開左新店就去捧下場～～裝雪糕都用個咁設計獨特既包裝，好有型呀！
回程返青衣會合埋琪琪，一齊去左機場快線站等接媽咪機～～
等到十一點半，終於到啦！成九日冇見啦，好掛住媽咪～～
媽咪癲左，成喼都係蝴蝶袋！佢仲話同姑媽嬸嬸一齊癲，三個人買左一萬蚊泰銖蝴蝶袋！
我對蝴蝶袋興趣唔係不大，只係要左一兩個，再揀左個送比太陽媽媽；媽咪另外仲買左幾件帶民族feel既衫/褲，褲我冇興趣，反而鍾意衫多ｄ！
今日朗豪坊行街都有收獲，型袋一個，多謝太陽哥哥
今日真係由朝full到晚，好充實的星期日！不過返到屋企已好夜，攰到攤係梳化，諗到聽日要返工就想死．．．唯有期待下個weekend的來臨啦！
沒有留言:
張貼留言