今朝同媽咪琪琪飲早茶，尋晚琪琪已經話今日Fortress會有iPhone4發售，不過得少量，橫掂今朝都去飲茶，不如早少少去青衣城Fortress望下，有機會買就買返部，冇就繼續飲茶；點知九點去到見到．．．勁多人！
帶埋旅行檯櫈黎，ｄ人真係好激呀！
既然冇我地份，就死左條心安心去飲茶啦～～
晏畫做家務＋Aerobic中渡過，等太陽哥哥游完船河後，約左佢係荃灣食飯，去左『深井陳記燒鵝』，正店係深井個間喎！
我地叫左個燒味鮑片二人餐，揀了都要各加$6的乳豬＋燒鵝！
太陽哥哥早前訂的玩具到手，睇佢笑得滿足，咁大個仲玩玩具，成個大細路咁！
我同太陽哥哥第一黎食，一致都覺得好好味，似足深井味道，唔怪之標榜正店係深井陳記啦，有機會實再黎幫襯！
出荃灣主要原因係去千色店拎旅行喼，早前以舊喼加$499換購的Mendoza 26" sharp黃色喼到手啦！因為我一個人拎唔到兩個舊喼出去，幫唔到細妹拎埋佢個個桃紅色，過日再同佢去拎啦！
沒有留言:
張貼留言