2009年5月18日 星期一

2009-05-18 (Mon) 大執位


近兩個星期的weekend,day time全力執野,將屬於自己的所有衣服、書本、一切雜物物件,搬過隔離屋,原來我係有咁多咁多衫,咁多咁多雜物架!執左兩個weekend,總算搬左八成啦,咁大工程只係大執位咋,遲d都仲要係隔離屋再執多一次架!


執完野實好多塵,所以要洗床單同床上所有既cushion同公仔,洗完搵地方掠,呢個位置幾好丫,風涼水冷!哈哈~~





黎緊星期三就送床同床褥啦,跟住星期四就送婚紗相相簿、相架、油畫等等,一路執野,開始覺得有一個屬於自己的家,雖然執野時都幾辛苦,將d野搬黎搬去會攪到流晒汗,但心中都有一份期待,係開心既!


呢個就係我同太陽哥哥既第一張床單喇!第一次係海馬睇中時,我同媽咪一齊,冇買到;直至我同太陽哥哥兩個去買床時,我叫佢去揀款床單,咁多款入面,佢又係揀左呢款呀!咁夾,梗係扑鎚啦!有齊星星月亮太陽,我地都好鍾意呀!




沒有留言:

張貼留言