2009年5月10日 星期日

2009-05-10 (Sun) Happy Mother's Day


今日係母親節呀,梗係要同媽咪一齊過啦,仲兩個媽咪添,因為同埋太陽媽媽麻;係個幾月前,一早已訂好今日食buffet慶祝啦,唔係好high,只係去大學站新開既HYATT,作為中大人,點都要試下既,咁就擇日不如撞日啦!





其實黎HYATT都有一個原因架,因為HYATT新開張,有優惠比中大員工,可以六折$165買自助餐券!




而d餐券係比您食任何一種buffet都得,精明既消費者梗係食最貴個款自助晚餐啦,原價加埋一都要四百蚊位,宜家$165連加一都唔洗就食到啦!




約好左五點九係大學站等,日見夜見的大學站,今日先第一次影相!




等埋太陽家族黎到,影張大合照先,威哥死唔肯搵人影,話佢影咪得喎,激死人!原本預埋太陽大哥哥架,不過佢要返工所以黎唔到~~




我都係第一次黎呢間新酒店,大家仲係度搵個入口呢,未天黑真好,影d相都靚d!我覺得我地好似旅行團咁,見到車站呀招牌呀都要影一餐,哈哈~~不過講開影相,今日先知太陽爸爸都好鐘意影相呀,我一講:係度影張丫,佢就即刻叫好同叫人埋位,勁合作,笑死!我就係需要呢d精神呀~~





我地六點過dd黎到,已經有人食緊啦;呢度環境唔錯,落地玻璃令人感覺舒服!



d燈都幾靚呀~~




呢度的確好新好grand,食環境同service的確滿分;不過論食物種類就只係合格啫,因為太少款式啦,而buffet最主力既海鮮同甜品都較為遜色!



我影左兩張就有位姐姐同我講,呢度唔可以影食物喎,咁都唔得架...




呢度d燒牛肉好正,我好鐘意食,食左三片,嘻嘻~~



BBQ counter 平時見到都感覺一般,冇咩興趣,不過呢度好多款式揀,腸同豬頸肉仲好好味呢,所有呢個counter我算幫襯得最多啦!




咁多sauce放係度比客人揀都係第一次見,呢part加分,因為識我既人都知我好重視調味料,係調味料天后黎架啦!哈哈~~



餐飲亦值得一提,我地叫左四杯檸蜜,就黎左四樽honey,每人一樽自己調,感覺好grand,呢part又係要加分啦!




我的部份食物:




食到大半part先得閒搵人影張大合照,今日其實有兩個慶典架,除左母親節外,尋日亦係太陽爸爸正日生日呀,一早都講左今日一齊慶祝埋!我仲講笑同大家講,其實仲有第三個慶典架,就係預祝埋一星期後太陽哥哥的生日!嘩...一石三鳥,一餐攪掂晒,勁!點知太陽哥哥話唔制喎,話唔可以咁樣計喎,哈哈~~




我就兩邊家庭再小合照,好忙呢,哈哈~~





臨緊尾聲,兩三個staff行埋黎,其中一個拎住個大花籃,入面載滿玫瑰花,而大經理就為每位媽咪送上一支玫瑰花,好驚喜呢!睇下兩個媽咪都幾開心,母親節正日花實貴,但係正日收到花,始終都開心既!(我事後同媽咪講笑,話呢個service係事前問定我要唔要架,每支計錢架,哈哈~~)



有花喎,梗係又要黎返張大合照啦!




再黎小合照,呢張相我覺得好sweet好靚呀!



一家四口again:




花絮:





大家覺唔覺呢個侍應哥哥好似我一位朋友呢?係琪琪發現架,跟住大家都覺得真係好似,連太陽媽媽都話似,連太陽媽媽都識?係呀,佢地打過麻雀交過手架麻,估到未呢?


我地係咁望住人,又睇佢叫咩名,叫tequila,酒名喎,咁我咪叫白蘭地?哈哈~~


跟住仲偷影埋人地呢,因為真係想比大家睇下似唔似;我地都有同佢講佢好似我地一位朋友呀,佢聽到到仲笑笑口,兼且仲成人埋黎serve我地,又係咁幫我地收碟,好好笑!



我地覺得佢好似...呀BEN呀!當然皮膚靚過BEN好多啦,人地滑 lul lul 冇咩墨屎架;最重要係佢個pat又係有d肉地架,哈哈~~


我將呢張相比左呀BEN睇,佢自己都話真係幾似...但當我話人地靚仔d時,BEN就串人改埋d怪名;我就同BEN講:怪名?咁咪仲似,您咪又係有個怪名叫 KILLIAN!哈哈~~




最後,同每位偉大既媽媽講聲:


Happy Mother's Day!!!



沒有留言:

張貼留言